ქართული ესტრადა

georgian pop ტექსტის ავტორი მურმან ლებანიძე ასრულებს ანსამბლი "ქართული ხმები", პირველი თაობა. სოლისტები: გურამ თამაზაშვილი, დათო ოთიაშვილი აგრეთვე: გია ჭირაქიძე, დავით აბესაძე, გოგი დოლიძე, თემურ ჭკუასელი, დავით გოგიაშვილი, ზურაბ ლოლაძე, ზაურ ბოლქვაძე, მალხაზ თალაკვაძე, გივი ჭიჭინაძე, რობერტ გოგოლაშვილი. 1ტვ (საზმაუ). გია ბაღაშვილის საავტორო გადაცემა "შემოძახილი". 08. 05. 2014 გადაცემის ფრაგმენტი ტექსტი: გაზაფხული შემოსულა, ლენ. რია-რია აუტეხავთ ჩიტებს... მე გიყიდი წითელ-ყვითელ ჩითებს, თეთრი ტილო მომიქარგე შენ! მოგანატრე სათიბი და ტყე, სუნი ქუსლით გასრესილი ანწლის, შორს გუმბათი ბეთანიის ტაძრის და ცისფერი, უბორკილო დღე ... მოგანატრე სათიბი და ტყე! გაზაფხული შემოსულა, ლენ! აწი აღარ გაგაჩერებ შინ, აწი ოჯახს ვერ დარქმევ ”დილეგს”, მკვირცხლი ბიჭი შეუყენე ბილიკს - მწევარივით გამიხტუნე წინ! აწი აღარ გაგაჩერებ შინ! აწი აღარ გაგაჩერებ შინ! გაზაფხული შემოსულა, ლენ! დასაკრავი სია: ქართული ესტრადა

georgian voices ტექსტის ავტორი თინათინ მღვლიაშვილი მღერიან "ქართული ხმების" პირველი თაობის წევრები: ზაურ ბოლქვაძე, გოგი დოლიძე, გურამ თამაზაშვილი, დათო გოგიაშვილი (თავგასა) ფორტეპიანოსთან რუსუდან სებისკვერაძე რუსუდან სებისკვერაძის შემოქმედებითი საღამო. თბილისის დიდი საკონცერტო დარბაზი (ფილარმონია). 12. 05. 1992 ტექსტი: ჭრიჭინები მარტოხელა, მარტოსულო ქალბატონო, გაიშალე ოქროსფერი თმები, გენატრება ზამბახების სიფაქიზე, გენატრება ზამბახების ფერი. ჭრიჭინებენ, ჭრიჭინებენ ჭრიჭინები და ჭრიჭინში ათენებენ ღამეს, მარტოხელა, მარტოსულო ქალბატონო, ნუ მიხურავ, ნუ მიხურავ კარებს! არ დამტოვო, გევედრები, არ დამტოვო, სინანული აგიცრემლებს თვალებს, მარტოხელა, მარტოსულო ქალბატონო, ვერ გავუძლებ მარტოობის ღამეს. ჭრიჭინებენ, ჭრიჭინებენ ჭრიჭინები და ჭრიჭინში ათენებენ ღამეს, მარტოხელა, მარტოსულო ქალბატონო, ნუ მიხურავ, ნუ მიხურავ კარებს! დასაკრავი სია: ქართული ესტრადა

georgian pop ტექსტის ავტორი მარი აბრამიშვილი - ერთადერთი რეპრესირებული პოეტი ქალბატონი ასრულებენ: ია ნინიძე, მერაბ ნინიძე - -მსახიობები ფორტეპიანოსთან ავტორი - ნანა ხვიბლიანი 1ტვ (საზმაუ). საახალწლო ეთერი. 1987 მაუწყებლის არქივიდან ტექსტი: წვიმს და... შავად შენისლულან მთები, წვიმს და... წვიმამ აღარ გადაიღო, იქნებ მართლა აღარ შევრიგდებით, იქნებ მართლა განშორება იყო? იქნებ მართლა შეგეცვალა გული, იქნებ მართლა უჩემობა გიჯობს, იქნებ მართლა გაქრა სიყვარული, იქნებ მართლა შემიძულე, ბიჭო? აღარ მახსოვს, შენ დამტოვე მაშინ, დამგმე, როგორც მოღალატეს გმობენ, თუ მე თვითონ გაგექეცი ქარში და "დაბრუნდი" ვეღარ გავიგონე. წვიმს და შავად შენისლუნან მთები, განზე მდგარი ხე ტირის და მიხმობს, ნუთუ მართლა აღარ დაბრუნდები? ნუთუ მართლა განშორება იყო? დასაკრავი სია: ქართული ესტრადა

inola gurgulia, georgian pop ტექსტის ავტორი ინოლა გურგულია ასრულებენ: ნეკა სებისკვერაძე, დათო ნოზაძე როიალთან ნინო გულიაშვილი ტვ-იმედი. ავტოგრაფი. 15. 11. 2020 ტექსტი: ნეტა რად გიკვირს რომ მემღერება? მე ჩემში დამაქვს ბედნიერება. ყველგან ვპოულობ მშვენიერ ფერებს, ვპოულობ სიმღერის ბგერებს და ყველგან მშვენიერს ვხედავ, ამიტომ სიმღერას ვბედავ. განა შემოდგომის სევდა მე არ მიგრძვნია? განა ტკივილს არ ვატანდი ყოველ წამს? და მაინც გულით რისთვისაც მიმიგნია, მინდა მჯეროდეს და უნებურად მწამს; და მაინც ერთხელ გულით რისთვისაც მიმიგნია, მინდა მჯეროდეს და კიდეც მწამს. და თუ ოდესმე რწმენა გაქრება, ამ სიმღერისგან არც რა დარჩება. ვეღარსად ვნახავ მშვენიერ ფერებს, ვერ ვნახავ სიმღერის ბგერებს და ალბათ ეს დამაბერებს. ახლა კი სიმღერას ვბედავ. დასაკრავი სია: ქართული ესტრადა

ranina, georgian, pop, estrada ტექსტის ავტორი ბუკა კარტოზია ასრულებენ: ნია ლაშხია - კონკურსანტი გუნდი: "რანინას" განვლილი სეზონების მონაწილეები ("რანინას" გუნდი) ხელმძღვანელი ნათია ოქრუაშვილი ბენდი: ირაკლი მენთეშაშვილი - კლავიში ზაზა ცერცვაძე - დრამი ლევან დეისაძე - ბას-გიტარა უჩა მეტრეველი - გიტარა დათა ლოლაშვილი - პერკუსია პაატა ანდრიაძე - კლავიში 1ტვ (საზმაუ). რანინა. VIII სეზონი, IV ტური. 19. 10. 2025 ტექსტი ინტერნეტში არ იძებნება დასაკრავი სიები: ვაჟა აზარაშვილი ქართული ესტრადა კონკურსები

ranina, georgian, pop, estrada, romance ტექსტის ავატორი დათო კრაწაშვილი ასრულებენ: მარიამ მუზაშვილი (კონკურსანტი) და ანსამბლი „შავნაბადა“ 1ტვ (საზმაუ). რანინა. VIII სეზონი, III ტური - ხალხური სიმღერა. 12. 10. 2025 ტექსტი: იები მოსულან, პატარა იები, შარშან რომ ვკრიფაავდით ერთად. მეგონა, ღალატს ვერ გაპატიებდი, მაგრამ ვეღარ ვძლებ კენტად დაბრუნდი! არ გესმის? ხომ ხედავ, უჩვენოდ ვეღარ გაუძლიათ იებს. მე ნაღალატევი გული მინდა გიჩვენო, დაბრუნდი, გაპატიებ. სადმე თუ შეხვდები ჩემებრ თავდადებულს და მასაც ჩემსავით უწოდებ "ფერიას", იებს ნუ მიუტან ახალ შეყვარებულს, იებს ნუ მიუტან, იები ჩემია. დასაკრავი სიები: ქართული ესტრადა ქართული რომანსი კონკურსები

georgian pop ტექსტის ავტორი ლევან (ლეო) ჭუბაბრია ასრულებენ: ელენე ლეკვეიშვილი, გიგა ჯალაღონია გიგი პიანომენი (ჭიპაშვილი) – კლავიში ნიკოლოზ ჭელიძე – გიტარა 1ტვ (საზმაუ). აკუსტიკა. 15. 05. 2022 ტექსტი: ტოტებიდან მოსცვივიან ფარფატით ყვავილები როგორც თოვლის ფიფქები დაგეხვევა ფაფუკ თმებზე, მკერდზე - გიშრის წამწამებზე, როგორც ჩემი ოცნება და ფიქრები. და ეს ეშხი, მიწის ეშხი, არ ჩადგება არაფერში, სანამ ჩემი, მხოლოდ ჩემი იქნები. გაზაფხულის შუქს მივყვებით მადლიანს, ირგვლივ თითქოს კელაპტრები ანთია. რა თბილია სხივი ნათელი მზის, რა წმინდაა ცქერა ლურჯთვალა ცის. სიხარულით გული ძგერას უმატებს, როგორ გაძლებს ისე რომ არ უყვარდეს. და სიყვარულს არ უმღეროს დიდება, სანამ ქვეყნად გაზაფხული იქნება. მთაწმინდაზე ბილიკს ისე მივყვები, თითქოს გზაა სამოთხისკენ სავალი. ნიავ-ქარი ტოტებს არხევს, და საამო სურნელს აფრქვევს, ვით გაშლილი ნაზი იასამანი. დრო მიმღერის ქართულ ლექსებს და ლექსივით მიალერსებს, შენი ხმაა თუ ფოთლების ხმა არის გაზაფხულის შუქს მივყვებით მადლიანს, ირგვლივ თითქოს კელაპტრები ანთია. რა თბილია სხივი ნათელი მზის, რა წმინდაა ცქერა ლურჯთვალა ცის. სიხარულით გული ძგერას უმატებს, როგორ გაძლებს ისე რომ არ უყვარდეს და სიყვარულს არ უმღეროს დიდება, სანამ ქვეყნად გაზაფხული იქნება. დასაკრავი სია: ქართული ესტრადა

9 april ტექსტის ავტორი მორის ფოცხიშვილი 1989 წლის 9 აპრილი - ქართველი ერის ტრაგედია, როდესაც რუსეთის საოკუპაციო ჯარმა თბილისში, რუსთაველი პროსპექტზე, მთავრობის სახლის წინ, ალესილი ნიჩბებით და მომწამლავი გაზით (სი-ესი და "ჩერიომუხა") გადაუარა თავისუფლებისთვის მებრძოლ მშვიდობიან მომიტინგეებს. დაიღუპა 21 მომიტინგე. დაიჭრა/დასახიჩრდა მრავალი ასეული. ეს სიმღერა დაიწერა და შესრულდა 1989 წლის 9 აპრილის ტრაგედიის დღეებში. 1989 წელს მორის ფოცხიშვილის ტექსტზე ჯემალ სეფიაშვილის მიერ შექმნილი სიმღერა 50-მა ქართველმა მომღერალმა ჩაწერა. სიმღერა მაშინვე თავისუფლების ჰიმნად იქცა. ტრაგედიიდან 30 წლის შემდეგ, 2019 წლის 9 აპრილს, ტრაგედიის 30 წლისადმი მიძღვნილი ღონისძიება-კონცერტზე შოუ-ბიზნესის ახალგაზრდა წარმომადგენლება, 25-მა მომღერალმა მამაკაცმა ხელახლა შეასრულა ეს ჰიტი თბილისის დიდ საკონცერტო დარბაზში გამართულ კონცერტზე. სიმღერის ავტორის, ჯემალ სეფიაშვილის სურვილი იყო, სიმღერა მხოლოდ მამაკაცებს შეესრულებინათ. მან თავისი პოზიცია ასე დაასაბუთა: „ვთვლი, რომ ოჯახის სიძლიერე არის მამაკაცი. ქვეყნის სიძლიერე არის მამაკაცი, ქვეყნის დამცველი არის მამაკაცი და სწორედ ამიტომ აი, ეს 25 მამაკაცი იმღერებს ამ სიმღერას“. მღერიან: გიგი ადამაშვილი, გიორგი ნაკაშიძე, სანდრო კურცხალიძე, აჩი ფურცელაძე, ოთო ნემსაძე, გიორგი სუხიტაშვილი, აჩიკო ნიჟარაძე, გიორგი ჩიქოვანი, გოგა მესხი, რატი დურგლიშვილი, ანდრია გველესიანი, დათუნა მგელაძე, ნოდიკო ტატიშვილი, თემო საჯაია, კახა კუხიანიძე, სანდრო სეფაშვილი, გიორგი ბუშელაშვილი, გიორგი კელაპტრიშვილი, ზუკა ხუციშვილი, სანდრო კახიძე, გიორგი კობახიძე, გუგა მარგველაშვილი, ბოკა კვეკვესკირი, ოთო ღურწკაია, ლადო ჯანელიძე. ტექსტი: დღე დგება უტყვი და უჩვევი, მეწამულ ბილიკზე ვდგები. ვაჩუქოთ ერთმანეთს სიცოცხლე, გავუთბოთ ერთმანეთს ძვლები. თქვენს ლამაზ ფიქრებში ვიჭრები, თქვენს სარკმელს ვაწყდები თრთოლვით... ვაჩუქოთ ერთმანეთს წვიმები, ვაჩუქოთ ერთმანეთს თოვლი. ყველას სიყვარულში გიტყდებით, გლოცავთ და მიშრება ყელი. ვაჩუქოთ ერთმანეთს ტიტები, ვაჩუქოთ ერთმანეთს ცრემლი! გავუგოთ ერთმანეთს უკლებლივ, ჩავჭიდოთ ერთმანეთს ხელი, ავუვსოთ ერთმანეთს გულები, სიყრმის და სიცოცხლის რწმენით! ვპოვოთ ერთმანეთი ღვთის ნებით. სიტყვა გამოვნახოთ თბილი. ლოცვით მიმოვყაროთ ნისლები, ფარად ავეფაროთ თბილისს! ავუნთოთ ერთმანეთს სანთლები, შევუწყოთ ერთმანეთს ხმები, ვაჩუქოთ ერთმანეთს ზღაპრები, ვაჩუქოთ ერთმანეთს წლები. ო, სისხლო, რა უცებ წყალდები, ო, გულო, რა უცებ თვრები, ვაჩუქოთ ერთმანეთს თვალები, ვაჩუქოთ ერთმანეთს ფრთები. ხორხს ცხელი სიმღერით ვიღადრავ, ვფხიზლობ და ვჩურჩულებ: - ამინ! დავუთმოთ ერთმანეთს დილა და დავუთმოთ ერთმანეთს ღამე! დასაკრავი სია: ქართული ესტრადა

pop ტექსტის ავტორი გალაკტიონ ტაბიძე მღერიან: ჰამლეტ გონაშვილი, ლადო წივწივაძე 1980 წლის ჩანაწერი ტექსტი: მზეო თიბათვისა, მზეო თიბათვისა, ლოცვად მუხლმოყრილი გრაალს შევედრები. იგი, ვინც მიყვარდა დიდი სიყვარულით, ფრთებით დაიფარე - ამას გევედრები. ტანჯვა - განსაცდელში თვალნი მიურიდნე. სული მოუვლინე ისევ შენმიერი, დილა გაუთენე ისევ ციურიდან, სული უმანკოთა მიეც შვენიერი. ხანმა უნდობარმა , გზა რომ შეეღება, უხვად მოიტანა სისხლი და ცრემლები, მძაფრი ქარტეხილი მას ნუ შეეხება, მზეო თიბათვისა,ამას გევედრები. დასაკრავი სია: ქართული ესტრადა

ტექსტის ავტორი იოსებ ნონეშვილი ჟანრი: ჯაზი, ბოსა ნოვა მღერის გიული ჩოხელი - საბჭოთა კავშირში პირველი ჯაზ-მომღერალი ქალი პოპ-ორკესტრი გუსტავ ბრომის დირიჟორობით ჩეხოსლოვაკია, 1970 სიმღერა შექმნილია ბრაზილიელი მუსიკოსის, ანტონიო კარლოს ჟობიმის (Antônio Carlos Jobim) 1963 წლის ჩანაწერის Agua de Beber ინსპირაციით. ქვემოთ მოტანილ ლინკზე განთავსებულია ჟობიმის ორიგინალი. მსმენელს შეუძლია შეადაროს, რამდენად უფრო მაღალი დონისაა ქართული ინსპირაციაც და მისი შესრულებაც. https://www.youtube.com/watch?v=iteDBk6k3N8&pp=0gcJCfwAo7VqN5tD ქართული ხელოვნება, საბჭოთა იმპერიის დროსაც კი, ერთ-ერთ შეუდარებელი იყო მსოფლიოს მასშტაბით, რომ აღარაფერი ვთქვათ თავად იმპერიაზე. ეს იყო განუმეორებელი ქართული სტილი, მარად პროგრესული და თვითმყოფადი, რომლის გამოც მთელი საბჭოთა კავშირი, სიახლის შემოტანისას, პირველად საქართველოსკენ იხედებოდა. გიული ჩოხელის მხრიდან ეს არის უმაღლესი დონის შესრულება, შერწყმული საოცარ მუსიკალურობასთან. ტექსტი: პაემანზე გაგვიწვიმდა, ცას შევხედე ბრაზიანად, მაგრამ იმ დღემ წვიმიანმა ზღვა სიხარულს მაზიარა. ცამ უეცრად დაიქუხა, მე მას გვერდზე მივეკარი და ფანტავდა წვიმის წვეთებს უეცარი ნიავქარი. კოცნა მომწყვიტა ბაგიდან, გული ამივსო მზით, მივაბიჯებდით ერთად წვიმაში ბედნიერების გზით. და სიყვარულის დასტურად კოცნა მივიღე მე. ო, დაილოცოს მარადჟამს ის წვიმიანი დღე. დასაკრავი სიები: ქართული ჯაზი ქართული ესტრადა ჯაზის ვარსკვლავები