Православен календар

Во времето на царот Септимиј Север, ги фрлија во затвор зашто беа христијани. Света Перпетуа беше по потекло благородничка и таа ги храбреше другите затвореници да не се плашат да пострадаат за Христа. На сон виде лествица од земјата до небото, сета начичкана со остри ножеви, јадици, клинци и други смртоносни оружја. А на дното од лествицата лежеше страшна змија. И виде како Сатир прв претрча низ лествицата до врвот неповреден, па од врвот и довикна: „Перпетуа, ајде, те чекам! Но, чувај се од змијата!“ Охрабрена од ова Перпетуа застана на главата од змијата како на прво скалило, па брзо редум истрча до врвот. И кога се искачи на врвот, влезе во небесата и ги виде прекрасните дворци небесни и беше многу радосна. Кога им го раскажа овој сон, затворениците протолкуваа дека наскоро им претстои смрт, и тоа прво на Сатир, што набрзо и се исполни. Прво го убија Сатир, а потоа Перпетуа и другите редум. Примија од Господа вечна награда во царството на светлината. Пострадаа сите за Христа во 202 или 203 година. #Маченици #Перпетуа #Фелицитате #Сатир

Како монах не го послуша игуменот и се оддалечи од манастирот и се затвори во една келија. Заради непослушноста, Бог допушти врз него едно големо искушение. Еднаш кога беше на молитва му се јави ѓаволот во вид на светол ангел и му рече: „Немој веќе да се молиш, туку читај книги, а јас ќе се молам за тебе!“ Никита послуша, престана да се моли и почна да чита книги. Го читаше само Стариот Завет, а Новиот никако не можеше ни да го отвори, зашто не му даваше силата ѓаволска. Со помош на ѓаволот и пророкуваше, и тоа само злосторства, грабежи, пожари и други зли дела, кои на ѓаволот му се познати затоа што во нив самиот учествува. Најпосле светите отци печерски увидоа дека Никита паднал во ѓаволска прелест и почнаа да Го молат Бога за него. Се поврати, ја увиде пропаста во која западнал, горко се покаја за гордоста и непослушноста и се исправи на својот пат. После долго каење и многу солзи Бог му прости и го дарува со дар на чудотворство. Се упокои во 1108 година. #Никита #Прелест #Покајание #Послушание #Чудотворец

Доброволно и храбро ги поднесе сите маки за Христа. Па, бидејќи не сакаше да се одрече од верата, пуштија еден бесен пес кој ја изгриза и ја уби. Тоа се случи во Ι век. Нејзе ја повикуваат на помош мајките што не можат да ги дојат своите деца. #Трифена #Маченичка #Вера #Мајчинство https://familyclub.locals.com/upost/7683037/12-02-20

Светите Кир и Јован, бесребреници и чудотворци и со нив маченичките: Атанасија со нејзините ќерки Теоктиста, Теодотија, и Евдоксија Овие милосрдни и прекрасни светители не беа браќа по крв, но беа браќа по дух. Кир најнапред живееше во Александрија и како лекар ги лечеше луѓето со силата Христова и со материјални лекови. Кога дозна дека болестите ги напаѓаат луѓето најмногу заради гревовите, почна непрестано да ги упатува болните со пост и покајание да си ја очистат душата од гревовите и така да си го повратат телесното здравје. Кога настана гонењето на христијаните од страна на Диоклецијан, Кир се оддалечи во Арабија и таму се замонаши. Но, како што беше прочуен во Александрија исто така се прочу и во Арабија, па луѓето му прибегнуваа за помош. Кога Јован, тогаш римски офицер во Едеса, слушна за Кир, појде во Арабија за да го види. Тие кога се видоа се засакаа еден со друг како двајца браќа и останаа заедно да се подвизуваат. Во тоа време мачителите ја мачеа некоја маченичка Атанасија христијанка, со нејзините три ќерки во Каноп. Штом слушнаа за ова Кир и Јован отидоа во Каноп за да ги храбрат мајката и ќерките, та да не отпаднат од верата. И навистина, благодарение на советите на овие светители Атанасија ги претрпе сите маки и заедно со ќерките беше погубена за Христа. Ќерките на Атанасија се викаа: Теоктиста, која имаше петнаесет години, Теодотија на тринаесет години и Евдокија единаесет години. Тогаш мачителите ги фатија Кир и Јован, па после долги маки и претрпен затвор ги убија со меч, во 311 година. Овие свети маченици извршија безбројни чуда за време на животот и после смртта. Нивните мошти во времето на царот Аркадиј се пренесени во Рим. Се повикуваат на помош особено при несоница, при осветување на вода и на Маслосвет. #Бесребреници #Чудотворци #Маченици #Исцеление #Покајание https://familyclub.locals.com/upost/7682923/title

Пострада за верата во времето на Клавдиј. Кога девицата Хриса во Рим беше немилостиво мачена за Христа, тогаш за неа пред мачителите се застапи светиот Иполит и ги разобличи. За овој протест го изведоа на суд и го осудија на смрт после долги мачења. Му ги врзаа рацете и нозете и го потопија во морето. Со него и со Хриса пострадаа уште дваесет други маченици. Свети Иполит пострада во 269 година. #Свештеномаченик #Мачеништво #Исповед #Храброст #Сведоштво https://familyclub.locals.com/upost/7680584/title

Светителите Василиј Велики, Григориј Богослов и Јован Златоуст имаат секој свој посебен ден на празнување во месецот јануари. Но, овој заеднички празник е востановен во 11 век за време на царот Алексиј Комнен. Еднаш однекаде настана расправа меѓу народот околу тоа кој од овие тројца светители е најголем. Едни го величаа светиот Василиј заради неговата чистота и храброст, други светиот Григориј за недостижната длабочина и висина на умот во богословието; трети воздивнуваа по светиот Јован, заради неговата чудесна благоглаголивост и јасност во изложувањето на верата. И така едни се нарекуваа василијани, други григоријани, а трети јованити. По Божја Промисла овој спор беше решен во корист на Црквата и на уште поголема слава на овие тројца светители. Евхаитскиот епископ Јован (под 14 јуни) имаше едно видение во сон, имено: прво му се јави секој од овие светители во голема слава и неискажлива чудесност, а потоа сите тројца заедно. Тогаш му рекоа: „Ние сме едно во Бога, како што гледаш, и кај нас нема ништо противречно... ниту има меѓу нас некој кој е прв или втор“. Светителите го посоветуваа епископот да им напише една заедничка служба и да им се одреди еден заеднички ден за празнување. Со ова прекрасно видение спорот се реши на тој начин што 30 јануари се одреди како заеднички празник за тројцата свети архијереи. #Светители #Архиереи #Единство #Богословие #Празник https://familyclub.locals.com/upost/7680145/12-02-2026

Доброволно го избра затворничкиот живот, како некогашните затворници Исакиј и Никита, внимателно чувајќи се од демонската прелест на којашто тие двајцата во почетокот ѝ се подадоа. Со големо воздржание, молитва и богомислие достигна висок степен на совршенство. Од исплашениот демон дозна дека во Печерскиот манастир има триесетмина монаси, меѓу сите сто и осумнаесет, на кои од Бога им е дадена власт над нечистите духови. Се престави кај Господа во 1194 година. #Монаштво #Молитва #Совршенство #Подвижништво #Манастир

Сите пострадаа за Господ Исус Христос на Самосат, во времето на царот Максимијан, во 297 година. Филотеј и Иперихиј беа големци, а останатите беа момчиња од благородничко потекло. Незнабожците ги убија со страшна смрт, им коваа клинци во главите. Чесно пострадаа и влегоа во радоста на Господа. #Вера #Маченици #Христос #Свети #Православие

Главното празнување на свети Игнатиј е на 20 декември. На овој датум се празнува преносот на неговите мошти од Рим, каде што маченички пострада, во Антиохија, во којашто порано беше архијереј. Кога свети Игнатиј беше повикан во Рим за да одговара пред царот Трајан за својата вера, на тој долг пат го придружуваа неколкумина граѓани од Антиохија, побудени од голема љубов кон својот прекрасен архипастир. Бидејќи Божјиот светител никако не сакаше да се одрече од верата и ги презре сите ласкања и ветувања на царот Трајан, беше осуден на смрт и фрлен пред ѕверовите во Големиот циркус. Ѕверовите го растргнаа и тој Му ја предаде својата душа на Бога. Тогаш неговите следбеници ги собраа неговите соголени коски, ги пренесоа во Антиохија и чесно ги погребаа. Но кога Персијците ја зазедоа Антиохија во 6 век, моштите на свети Игнатиј повторно ги вратија од Антиохија во Рим. #Свештеномаченик #Православие #Мачеништво #Вера #Светители

Роден е во Ниневеја и во младоста се подвизуваше во Мар-Матејскиот манастир, близу Ниневеја. Кога се прочу со светоста на животот и со многубројните чуда, го избраа за епископ Ниневејски и го принудија да го прими тој висок чин. Но, после пет месеци тој го остави епископството и тајно се повлече во оддалечениот манастир Раббан-Шабур. Состави многубројни дела, од кои до нас дојдоа околу сто беседи за духовниот живот и подвижништвото, пишувани главно од сопствен опит. Неспоредлив психолог и раководител во духовниот живот. Дури и светителите како свети Симеон Дивногорец од него бараа совет. Се упокои во длабока старост на крајот од 7 век. #Подвижништво #Смирение #Духовност #Монаштво https://familyclub.locals.com/upost/7674493/10-02-2026