კლასიკური. საორკესტრო

ვალსის გერმანული სახელწოდება: An der schönen blauen Donau. Op. 314, რე მაჟორი (D major, D dur) იოჰან შტრაუსმა-უმცროსმა ეს ვალსი შექმნა 1866 წელს. პირველად შესრულდა 1867 წლის 15 თებერვალს. ამის შემდეგ ეს ვალსი მისი შემოქმედების და მსოფლიო საცეკვაოო მუსიკის ერთ-ერთი უპოპულარულესი ქმნილებაა. ვენის ფილარმონიული ორკესტრის საახალწლო კონცერტი (Das Neujahrskonzert der Wiener Philharmoniker) დირიჟორი ჰერბერტ ფონ კარაიანი (Herbert von Karajan), ავსტრია ვენის მუზიკფერაინის (მუსიკალური საზოგადოების) ოქროს დარბაზი (სადაც, ტრადიციულად, ტარდება საახალწლო კონცერტები). 01. 01. 1987 ეს იყო ვენის ერთადერთი საახალწლო კონცერტი, რომელსაც უდირიჟორა კარაიანმა. დასაკრავი სია: კლასიკური. საორკესტრო

ასრულებს ვენის ფილარმონიული ორკესტრი (Vienna Philharmonic Orchestra;Wiener Philharmoniker) დირიჟორი ზუბინ მეტა (Zubin Mehta) ჰელდენპლაცი, ვენა (Heldenplatz, Vienna), ავსტრია. 29. 05. 1999 ოპერეტა "ღამურა" (Die Fledermaus) იოჰან შტრაუსმა-უმცროსმა შექმნა 1870-იან წლებში. თავისი შინაარსით ეს არის კოსტუმირებული კომედია. ლიბრეტოს ავტორები არიან კარლ ჰაფნერი (Karl Haffner) და რიხარდ გენე (Richard Genée) ოპერეტა სამმოქმედებიანია. პრემიერა შედგა ვენის თეატრში (Theater an der Wien), 05. 04. 1876 ეს ოპერეტა ვენის ოპერეტის "ოქროს ეპოქის" მწვერვალია, ხოლო წინამდებარე უვერტურა - ერთ-ერთი ყველაზე პოპულარული ქმნილება შტტრაუსის შემოქმედებაში, რომელიც ხშირად სრულდება საკონცერტო შესრულებით, მ.შ. ვენის ტრადიციულ საახალწლო კონცერტებზე, რომლის პროგრამის შემადგენელი ნაწილია. დასაკრავი სია: კლასიკური. საორკესტრო

კარლ ჯენკინსი (Karl Jenkins) - XX-XXI სს-ების ბრიტანელი კომპოზიტორი და მულტიინსტრუმენტალისტი. "პალადიო" - კონჩერტო გროსო სიმებიანი ორკესტრისთვის ავტორმა დაწერა 1995 წელს და უწოდა რენესანსის ეპოქის ვენეციელი არქიტექტორის ანდრეა პალადიოს სახელი. ნაწარმოები სამნაწილიანია: 00:00 Allegretto 04:06 Largo 10:29 Vivace ასრულებს ხორვატიის კამერული ორკესტრი (Croatian Chamber Orchestra) დირიჟორი ჯონათან გრიფიტი (Jonathan Griffith) შესრულების დრო და ადგილი არ იძებნება. დასაკრავი სია: კლასიკური. საორკესტრო

ასრულებს მოსკოვის დიდი თეატრის ორკესტრი. დირიჟორის ვინაობა და შესრულების თარიღი უცნობია. თავდაპირველად ეს ნაწარმოები იყო მუსიკა ამავე სახელწოდების ფილმისთვის: Время, вперед! - დრამა. რუსეთი (საბჭოთა პერიოდი) გადაღების წელი - 1965 რეჟისორები: სოფია მილკინა (София Милькина), მიხაილ შვეიცერი (Михаил Швейцер) კომპოზიტორი გიორგი სვირიდოვი იმავე 1965 წელს, ფილმის დასრულების შემდეგ, კომპოზიტორმა მუსიკის საფუძველზე შექმნა 6-ნაწილიანი საორკესტრო სუიტა «Время, вперед!», რომლის ბოლო, მეექვსე ნაწილია წინამდებარე ჩანაწერი. მეორე რედაქციით ნაწარმოები გამოიცა 1977 წელს. ეს ქმნილება გახდა საბჭოთა პერიოდის რუსული მუსიკის სახე და ერთ-ერთი ყველაზე პოპულარული ნაწარმოები, რომელიც ჟღერდა არა მხოლოდ ფილმებში, არამედ ტელეეკრანზეც და იყო გადაცემების მუსიკალური ქუდი (მათ შორის საინფორმაციო გადაცცემა 'ვრემია", რომელიც გადიოდა საკავშირო ტელევიზიის პირველი არხით და იწყებოდა ამ მუსიკით). აღსანიშნავია, რომ სვირიდოვმა ეს ნაწარმოები შექმნა ჩაბარებამდე რამოდენიმე საათით ადრე, რადგან ემზადებოდა სათევზაოდ და ბევრი წერის დრო არ ჰქონდა. ჩაბარების წინა საღამოს დაწერა მუსიკა. მეორე დღეს ჩააბარა, აიღო ანკესი და წავიდა. :) დასაკრავი სიები: კლასიკური. საორკესტრო; უცხოური კინომუსიკა

"ევგენი ონეგინი"(Евгений Онегин) - ოპერა სამ მოქმედებად. შვიდ სურათად. საფუძვლად დაედო ა. პუშკინის ერთსახელიანი პოეტური რომანი. მუსიკის ავტორი პეტრე ჩაიკოვსკი (Петр Чайковский) ლიბრეტოს ავტორი კონსტანტინე შილოვსკი (Константин Шиловский) პრემიერა შედგა 1879 წლის 17 (29) მარტს მოსკოვის მცირე თეატრში. წინამდებარე პოლონეზი ჟღერს ოპერის მე-3 მოქმედებაში. ასრულებს ბერლინის ფილარმონიული ორკესტრი (Berliner philarmoniker) დირიჟორი კლაუდიო აბადო (Claudio Abbado, იტალია) დასაკრავი სია: კლასიკური საორკესტრო

უვერტურა ოპერიდან "ობერონი, ანუ ელფთა მეუფის ფიცი" (Oberon, or The Elf King's Oath) კარლ მარია ფონ ვებერი (Karl Maria Friedrich Ernst von Weber) - ადრეული რომანტიზმის ეპოქის გერმანელი კომპოზიტორი, ვირტუოზი პიანისტი,მუსიკალური კრიტიკოსი, რომელსაც დიდი წვლილი მიუძღვის გერმანული ეროვნული რომანტიკული ოპერის განვითარებაში. აღნიშნული ოპერა 3-მოქმედებიანია, სასაუბრო დიალოგებით. შეიქმნა 1825-26 წლებში გერმანელი პოეტის კრისტოფ მარტინ ვილანდის (Christoph Martin Wieland) პოემის "ობერონის" საფუძველზე. ოპერა ინგლისურენოვანია. ლიბრეტოს ავტორია ბრიტანელი დრამატურგი ჯეიმს რობინსონ პლანშე (James Robinson Planché)."ობერონი" ერთადერთი ინგლისური ოპერაა, რომელიც დადგა ვებერმა. პრემიერა: ლონდონი, 12. 04. 1826 NBC-ს სიმფონიური ორკესტრი (აშშ) დირიჟორი არტურო ტოსკანინი (Arturo Toscanini, იტალია) ჩანაწერი: 05. 08. 1952 დასაკრავი სია: კლასიკური. საორკესტრო