NINTENDO SWITCH V.2 Unboxing + DEMO

Believe it or not, Nintendo Family Computer ang pinaka-una at huling gaming console na nagkaroon ako. Elementary pa lang ako nung bigyan kami ng pinsan ko na si Ate Ella ng Family Computer galing Japan. Pati yung mga bala, Japanese din. Star Wars, Super Mario Brothers, Galaga, Donkey Kong, Pac-Man at Contra. Hinuhulaan nalang namin kung anong mga pipindutin sa game nung una hanggang nasanay na kami. Akala tuloy ni Betong, marunong kami mag-Japanese. Yan lang ang mga bala na paulit-ulit namin na nilalaro sa bahay. "Bala" pala ang tawag namin dati at hindi cartridge. Yun ang nakasanayan namin dahil sa daddy namin na mahilig sa baril. Palitan daw yung bala at maglalaro siya.

Ang tibay nung Family Computer na yun. Nakaka-ilang bagsak na yun dahil sa tuwing nakikilaro si Betong, nahihila niya yung controller kapag pinapa-talon niya si Mario. Pati yung controller at yung Family Computer mismo, tumatalon. Pag nangyayari yun, ayawan na. Sa kalye nalang kami maglalaro dahil ayaw na namin paglaruin si Betong ng Family Computer. Si Betong pala ang pinaka-mabilis tumakbo sa aming lahat. Na-train na siya sa pagtakbo ng mabilis para maka-iwas tuwing hinahabol siya ng pamalo ng tatay niya sa kapag nahuhuli siyang lumalandi-landi ng kilos sa kalye. Pag bored kami, pinapasakay namin siya sa BMX bike ko at nilalagyan namin ng mga bulaklak, dahon at palapa ng niyog. Nauuwi ang laro sa Santa-Santacruzan. Parang Bahay-Bahayan or Tagu-Taguan pero baklita version.

Fast-forward, hindi na nasundan ang Family Computer na yun kahit nung nagkaroon na ako ng trabaho sa call center. Mas gusto namin gumala, kumain at magkape-kape tuwing rest day kesa maglaro ng video games sa bahay. Nabuhay nalang ulit ang interest namin sa gaming consoles nung lumabas ang Nintendo Switch. Muntik na kaming bumili ng Nintendo Switch nung huling punta sa Tokyo. Hindi lang natuloy dahil sa warranty issues. Ang siste, babalik ka sa Tokyo kung may kailangan kang ipagawa gamit ang warranty. So hindi nalang muna natuloy ang planong pagbili.

Hanggang sa isang araw, nag-share ng crown Miss China sa buong mundo so ipapasara daw muna lahat ng pinupuntahan ng mga tao para hindi kumalat ang worldwide lagim. Mga malls, coffee shops, hotels, resorts at pati na ang pagta-travel domestic and abroad, bawal muna. So on the last day na bukas ang Megamall, napabili na kami ng Nintendo Switch para may magawa habang nakakulong sa bahay ng 1 month or more. Nakakatuwa lang na sa Nintendo pa rin pala ako mauuwi after all these years.

Happy 50th Anniversary nga pala kay MC today. Ayaw niya daw tawagin na birthday kasi ayaw daw niya i-celebrate ang pagtanda taon-taon. Ang gusto daw niya, i-celebrate ang mismong araw ng kapanganakan niya. Whatever, Mariah. Ang taba ng utak mo.
________________________________________________

Now that Pasosyal101 is earning from your views, we will be funding our regular giveaways with our YouTube earnings so keep watching those ads!

If you want us to feature the fancy stuff, you can support us by being a sponsor through Patreon: https://www.patreon.com/pasosyal101

YouTube: http://www.youtube.com/c/Pasosyal101
Facebook: https://www.facebook.com/pasosyal101/
Instagram: https://www.instagram.com/pasosyal_101/
Email: [email protected]
Patreon: https://www.patreon.com/pasosyal101

#Pasosyal101 #NintendoSwitch #WorkFromHome #FamilyComputer