LEOBERT DASMARIÑAS, IPAPA-LIE DETECTOR TEST NI SENATOR RAFFY TULFO

LEOBERT DASMARIÑAS, IPAPA-LIE DETECTOR TEST NI SENATOR RAFFY TULFO

Plano ngayon ni Senator Raffy Tulfo na isailalim si Leobert Dasmariñas sa lie detector test.

Ito ay upang mapatunayan kung nagsasabi nga ba ito ng totoo o hindi.

Ayon kay Tulfo, kung lumabas sa test na nagsasabi sya ng totoo si Leobert na wala syang kinalaman sa panggagahasa at pagpatay kay Jovelyn Galleno ay tiyak na ipagpapatuloy ng tanggapan ng Senador ang pagtulong rito.

Sakali naman umanong mapatunayang nagsisinungaling si Leobert, puputulin na umano nito ang pakikipag ugnayan sa suspek.

Matatandaang ilang beses na nagkaroon ng pagbabago sa mga statement ng suspek, simula nang aminin nyang sya at ang kanyang pinsang si Jovert Valdestamon ang nasa likod ng pagpatay sa dalaga hanggang sa bumaliktad ito at bawiin ang kanyang mga naunang naging salaysay.

Samantala, sinabi naman ng suspek na handa syang sumailalim sa lie detector test.