مونولوج: ابليس ايه ذنبه يا عالم؟ إسماعيل ياسين، اسمع واستمتع مع قناة ذهب زمان

ابليس ايه ذنبه يا عالم؟
تأليف: أبو السعود الابياري
لحن: عزت الجاهلي
أداء: إسماعيل ياسين
#إسماعيل_يس #ابوالسعود_الابياري #مونولوج #ذهب_زمان
كلمات المونولوج:-
ابليس ايه ذنبه يا عالم
تاهمينه بقالنا زمان
قال ايه يعني البني ادم
هو اللي ماهوش غلطان

ابليس ايه ذنبه يا عالم

سي عريس الغفلة والباب بلا قفلة
شاف منظر مغري راح شابك دوغري
ما استناش لليوم التاني واتجوزها على العمياني
اتاريهم عيلة فاشوش من ماركة حلق حوش
فات كام يوم ويلاقي حماته
ونسايبه يزوروه ويباتوا انضف واحد فيهم
حافي
لو يتخلق دكها تشلق
قصره البيت بقى فرع لومان
بس يا فندم عنها وطلق وبقى يقول
يجازيك يا شيطان
بالذمه ابليس ماله
كان هو اللى خطبهاله
معقول ولا انا غلطان

ابليس يا ذنبه يا عالم
تاهمينه بقالنا زمان
قال ايه يعنى البني ادم
هو اللي ماهوش غلطان

ابليس ايه ذنبه يا عالم
ولا عندوش فكرة ان هناك سكرة
له اصحاب شلة نمرجية على
كيفك ماركة خمورجية
وشافوه قاعد ع القهوة
قاموا طبوا عليه على سهوة
يلا بينا وفين على خمارة وصاحبنا
اتشارك وياهم
بقى لا ملك والكل سكارى
وفي الاخر ناس شبكوا معاهم
واخبط وارقع
بقه اطرم
سمى وقال يجازيك يا شيطان
شكله اتشلفط
وشه اتلخبط
عينه بقت لك حاجة جنان
بالذمة ابليس ماله
كان هو اللى سقهاله
معقول ولا انا غلطان

ابليس اية ذنبه يا عالم
تاهمينه بقالنا زمان
قال ايه يعني البنى ادم
هو اللى ماهوش غلطان
ابليس ايه ذنبه يا عالم

وكتير من النوع ده
مهاويس البعدا
لو غلطم غلطة او طبوا فى ورطة
من غير كاني ومن غير ماني
دوغري يقولوا دي وزة شيطاني
وتملي في اي خازوق
ابليس يطلع محقوق
كل ما تحصل اي حكاية
كل ما شوكة تشك الناس
اي خناقة واي جناية
فيها الوسواس الخناس
ابليس لما تملي نزقه
يبقى امال فين الانسان
اللى ما بسمع حد يحقه
ولا فيش غير يجازيك يا شيطان
بالذمة ابليس ماله
لو كنا نسيبه في حاله
نعـــــقــــل ونعيش في امان

ابليس اية ذنية يا عالم
تاهمينه بقالنا زمان
قال ايه يعني البنى ادم
هو اللي ماهوش غلطان
ابليس ايه ذنبه يا عالم