Russia has increased its troops in Ukraine - "The number of invaders increased

Rus qoşunları Baxmutda Ukrayna qruplaşmasına qarşı hansı istiqamətlərdə hücum edəcəyini müəyyənləşdirir. Lakin ukraynalı hərbi ekspert Aleksey Arestoviç hesab edir ki, Lisiçansk, Popasnaya və Severodonetskin Rusiya tərəfindən tutulması ssenarisi Baxmutla işləməyəcək. O qeyd edib ki, düşmənin nə taktikası, nə də strategiyası dəyişməyib: Rusiya Federasiyası hələ də tam mühasirə təhlükəsi yaratmaqla Ukrayna Silahlı Qüvvələrini Baxmutdan çıxarmaq istəyir: “Bunun tamamilə uğursuz bir taktika olduğunu söyləmək olmaz: Lisiçansk, Severodonetsk, Popasna... Amma Baxmutda vəziyyət bir qədər fərqlidir: ərazi, qoşunların sayı və müdafiə strukturu sadəcə bu cinahları əhatə etmək üçün nəzərdə tutulub”.
Onun sözlərinə görə, Ukrayna komandanlığı düşmən tərəfindən nəzərdə tutulan istənilən təhdidlərə tam hazırdır, bunu Ukrayna Silahlı Qüvvələrinin göstərilən istiqamətdə hərəkətləri də sübut edir: “Ruslar yenidən toplaşacaqlar, hücuma keçəcəklər, bizim komandannlıq bunu bilir"
Arestoviç Rusiyanın hərbçilərinin Ukraynada sayını 340 min nəfərə çatdırdığını da təsdiqləyib: "Təxminən iki ay əvvəl ərazimizdə 220 minə qədər rus əsgəri var idi. Bu gün artıq 340 min var, onlar sayını üçdə bir artırıb və Donetsk vilayətini tutmaq üçün bundan istifadə edəcəklər”.