„Мал битолски Монмартр“носеле деца на средби со Радев, синот на Цар Борис, МВР го извести ОЈО

„Мал битолски Монмартр“носеле деца на средби со Радев, синот на Цар Борис, МВР го извести ОЈО
Дали децата од битолското Детско ликовно студио СВ. Кирил и Методиј што го организира Мал битолски Монмартр, се злоупотребиле во политички цели при патување во Бугарија?

Михајло Видимлиски
Лавина реакции предизивика информација дека тие на почетокот на јули, при посета на Софија во претседателската палата се сретнале со Румен Радев. На објавеното видео се гледа и дел од обраќањето на бугарскиот претседател во кое тој помеѓу другото им вели и дека политичарите треба да го следат нивниот пример.

-Силно верувам дека примерот кој го давате ќе биде следен и од политичарите од двете земји, да го заборават стравот и да ги заборават предрасудите, да направат така дека тоа што не поврзува, нашата општа историја да биде мост а да не не разделува, и тоа во име на нашата општа европска иднина, изјави – Румен Радев – Претседател на Р. Бугарија.

Првата детска амбасада Меѓаши се сомнева дека децата во случајот биле залоупотребени и бара обвинителството да постапи.

-Има индиции дека станува збор за инструментализирање за политички цели за девата да послужат за декор на политичките партии, на политичарите во Бугарија, и плус да се направи еден пропаганден маркетинг на штета на децата. Тие треба да бидат прашани пред да заминат во Бугарија што сакаат таму да прават, изјави – Драги Змијанац – Извршен директори основач на Меѓаши.

Но од детското ликовно студио не гледаат ништо спорно во посетата и средбата со Радев... Славчо Неделковски вели дека родителите дале согласност за патувањето и секојдневно биле информирани за дневните активности на децата.

-Ако некој тука дошол или сме отишле кај некој политичар како партиски носител на функција, тоа е веќе друг муабет. Меѓутоа ако на вратата пишува титула, како властодржец, во која и да е форма, ние во Бугарија бевме прв пат во ноември со изложба. Читам децата добиле брошури, како работи Собранието, тоа е брошурата. Ги прими претседателот на Бугарија, оти цртавме на дваесет метри од претседателската палата и имавме обиколка да ја разгледаме, изјави – Славчо Неделковски - ДЛС Св. Кирил И Методиј-Битола.

Дали има елементи на кривично дел оценка ќе треба да даде битолското обвинителство.. Министерот за внатрешни работи Оливер Спасовски вели дека по написите во медиумите дале известување и чекаат конкретни насоки..

-Апелирам, не само за овој случај туку и за било кој друг да се достават кривични пријави, изјави – Оливер Спасовски – Министер за внатрешни работи.

По изјавата на Спасовски дека за случајот го известиле ЈО, денеска има бура од реакции во Бугарија... Некои од политичарите, намерно или не, обајвија и погрешни информации дека ќе се бара одговорност од децата, иако во слуачјот доколку таква има, ќе се бара од оргнизаторите...