Mere Rashk e Qamar - میرےرشکےقمر #NFAK

#NFAK all time hit song - Mere Rashq e Qamar

Complete Lyrics :-

برق سی گر گئی کام ہی کر گئی آگ ایسی لگائی مزہ آ گیا

جام میں گھول کر حسن کی مستیاں چاندنی مسکرائی مزہ آ گیا
چاند کے سائے میں اے میرے ساقیا تو نے ایسی پلائی مزہ آ گیا

نشہ شیشے میں انگڑائی لینے لگا بزمِ رنداں میں ساغر کھنکنے لگے
میکدے پہ برسنے لگیں مستیاں جب گھٹا دل پے چھائی مزہ آ گیا

بے حجابانہ وہ سامنے آ گئے اور جوانی جوانی سے ٹکرا گئی
آنکھ ان کی لڑی یوں میری آنکھ سے دیکھ کر یہ لڑائی مزہ آ گیا

آنکھ میں تھی حیا ہر ملاقات پر سرخ عارض ہوئے وصل کی بات پر
اس نے شرما کے میرے سوالات پہ ایسے گردن جھکائی مزہ آ گیا

شیخ صاحب کا ایمان مٹ ہی گیا دیکھ کر حسنِ ساقی پگھل ہی گیا
آج سے پہلے یہ کتنے مغرور تھے لٹ گئی پارسائی مزہ آ گیا

فنا شکر ہے آج بعد فنا اس نے رکھ لی میرے پیار کی آبرو
اپنے ہاتھوں سے اس نے میری قبر پر چادرِ گل چڑھائی مزہ آ گیا