Gingilcha Sadan

Gingilcha / Calaltu Sadan

Soqiraaxis Girik jabana durii keessatti falasummaan nama maqaa guddaa horate ture. Gaaf tokko, namichi tokko ogeessa gudda kana haasofsiisuu bira dhufee akkasi ittin jedhe:
Namichi : “Waa'ee hiriyyaa keetii waanan amma dhaga'e beektaa laataa?”
Soqiraaxis : “Naaf obsi, mee”, jedhe Soqiraaxis. “Osoo dubbii kana natti hin hirmiin dura, gingilcha sadiin qorachuun barbaachisaadhaa.”
Namichi : “Maal immo dha Gingilchaan sadii?” jedhe namichi.
Soqiraaxis : Yeroo kana Soqiraaxis, “Waa'ee namoota biroo dubbachuu kee dura yeroo fudhattee waan jechuu barbaadde calaluun barbaachisaadhaa. Waan kana ani ‘Gingilcha ykn Calaltu Sadan’ jedheen waama. Gingilchan jalqabaa DHUGAA dha.
Wanti ati natti himuuf deemtu dhugaa ta'uu isaa beektaa?”
Namichi : “Lakkii amma kanaan dhaga'ee. Dhugaa ta’u isaa hin beeku” jedhe namichi.
Soqiraaxis : “Baay'ee gaarii! Kanaaf, dhugaa ta'uu isaa hin beektu. Mee gara gingilcha isa lammaffaatti haa ceenu. Gingilchaan inni lammaffaan GAARUMMAA dha.
Waa'ee hiriyyaa koo waan ati natti himuuf jettu waan gaariidhaa?”
Namichi : “Waawuu. Lakkii faallaa gaarummaatti”, jedhe namtichi.
Soqiraaxis : “Egaa, ati hammina hiriyaa koo natti himuu barbaadda. Garuu dhugaa ta'uu isaa illee hin mirkaneeffanne. Tarii gingilchaa sadaffaa, kan FAAYIDAA ni guuta ta’a.
Waa'ee hiriyyaa koo waan ati natti himuuf jettu beekuun na fayyaadaa?"
Namichi : Lakkii, waan maa’ii qabu miti.
Soqiraaxis : Yeroo kanatti Soqiraaxis, “Kanaafuu wanti ati natti himuu feetu DHUGAA miti, GAARIIS miti, FAAYIDAAS hin qabu. Egaa maaliif waan akkasi natti himuu barbaadde ree?

"Hameen waan hamaadhaa. Jalqaba irratti waan nama bohaarsuu fi gammachiisu fakkaachuu danda'a, dhuma irratti garuu garaa keenya hadhaa'aan guutee Summa’aa nu godha." - Fransis Phaaphaasi Waldaa Rooma.