History of Socialist Movements, Labor | Long hours, low wages, and dangerous conditions | 1st May

سوشلسٹ تحریکوں کی بنیاد 19ویں صدی میں صنعتی انقلاب کے دوران رکھی گئی، جب سرمایہ دارانہ نظام کے نتیجے میں مزدور طبقے کا استحصال شروع ہوا۔ صنعتی انقلاب کے دوران مزدوروں کو طویل اوقات کار، کم اجرت، اور خطرناک حالات کا سامنا کرنا پڑا۔ ان مشکلات کے خلاف احتجاج کے طور پر سوشلسٹ تحریکوں نے جنم لیا، جن کا مقصد سرمایہ دارانہ نظام کو چیلنج کرنا اور معاشی مساوات کا قیام تھا۔سوشلسٹ نظریات کے بانیوں میں کارل مارکس (Karl Marx) اور فریڈرک اینگلز (Friedrich Engels) شامل ہیں، جنہوں نے اپنی تصنیف “کمیونسٹ منشور” (Communist Manifesto) میں سرمایہ داری کے خاتمے اور مزدور طبقے کی حاکمیت پر زور دیا۔ مارکس نے طبقاتی جدوجہد (class struggle) کے نظریے کو پیش کیا، جس کے مطابق تاریخ کا محرک محنت کش اور سرمایہ دار طبقے کے درمیان کشمکش ہے۔ ان کا خیال تھا کہ مزدور طبقہ، یعنی پرولتاریہ، انقلاب کے ذریعے سرمایہ داری کا خاتمہ کر کے ایک منصفانہ، سوشلسٹ معاشرہ قائم کرے گا۔ سوشلسٹ تحریکوں نے مزدوروں کے حقوق کے لیے دنیا بھر میں اہم جدوجہد کی ہے، جن کے اثرات آج بھی عالمی سطح پر دیکھے جا سکتے ہیں۔ پاکستان میں بھی مزدور حقوق کی تاریخ طویل اور پیچیدہ ہے، لیکن مزدور طبقہ اب بھی متعدد چیلنجز کا سامنا کر رہا ہے۔ اسلام میں مزدوروں کے ساتھ حسن سلوک اور ان کے حقوق کی ادائیگی پر زور دیا گیا ہے، اور احادیث میں ان کی عزت و احترام کے ساتھ اجرت کی بروقت ادائیگی اور کام کے بوجھ میں توازن رکھنے کا حکم دیا گیا ہے۔ارباب محمد فاروق جان سوئٹزرلینڈ