Կլիմայական քաոս․ անոմալիաներ, որոնք մեզ անակնկալի բերեցին

Կլիման նորանոր տհաճ անակնկալներ է մատուցում։ Մենք հաճախ չենք գիտակցում, թե ինչի կարող է մեզ բերել այս կամ այն կլիմայական անոմալիան: Եվ անցած շաբաթվա իրադարձությունները՝ փետրվարի 5-ից 11-ը, հստակ ցույց տվեցին դա։
Սառը բեւեռային օդային զանգվածներով ցածր ճնշման համակարգը փետրվարի 5-ից ծածկել է Մերձավոր Արեւելքի երկրները։
Լիբանանում՝ Բեկաայի հովտում, առատ ձյուն է տեղացել, ինչի հետեւանքով փակվել են որոշ ճանապարհներ:
Հորդանանում հորդառատ անձրեւներից տուժել են երկրի հյուսիսն ու կենտրոնը։ Աջլունի շրջանում 1,5 ամսական նորմա անձրեւ է տեղացել։
Իսկ Մաանի շրջանում փետրվարի 6-ին ուժեղ ավազային փոթորիկ է գրանցվել, ինչը հանգեցրել է ճանապարհների փակմանը վատ, իսկ տեղ-տեղ՝ զրոյական տեսանելիության պատճառով:
Փոթորիկը կտրուկ ցուրտ է բերել Իսրայել։ Հիպոթերմայից մեկ մարդ մահացել է, իսկ մյուսը ծայրահեղ ծանր վիճակում տեղափոխվել է հիվանդանոց։
Իրանում անոմալ ցրտերը, ձյունը եւ ջրհեղեղները ազդել են հազարավոր մարդկանց վրա: Գիլանի նահանգում աննախադեպ անձրեւներ են տեղացել, որոնք գետերի վարարումների եւ լայնածավալ ջրհեղեղների պատճառ են դարձել: Ռեշտ քաղաքում ընդամենը մեկ օրում ռեկորդային 107 մմ տեղումներ են գրանցվել։
Կարիբյան տարածաշրջանում տեղի է ունեցել 7,6 մագնիտուդով երկրաշարժ, որն առաջացրել է ցունամիի վտանգ:
Բրազիլիայում հորդառատ անձրեւները հանգեցրել են ջրհեղեղների եւ սողանքների, որոնց հետեւանքով տուժել են հազարավոր մարդիկ:
Փետրվարի 6-ից ԱՄՆ-ը տուժել է մի շարք հզոր ձմեռային փոթորիկներից։ Սառցակալումը, ձյան տեղումները եւ տորնադոները հանգեցրել են ճանապարհներին քաոսի եւ ավիաչվերթների չեղարկման: Միջինատլանտյան շրջանում սառցե անձրեւից հետո առարկաները տեղ-տեղ ծածկված են եղել մինչեւ 11 մմ հաստությամբ սառույցի շերտով:
Մի քանի պտտահողմեր անցան Կենտուկի նահանգում: Իսկ Թենեսի նահանգում հզոր EF-2 տորնադոն երկու մարդու կյանք է խլել, երեքը վիրավորվել են։
Չինաստանը բախվել է ավերիչ սողանքի, որը 29 մարդու ծածկել է տոննա հողով:
Ճապոնիայում ձյան ռեկորդային տեղումներ են գրանցվել։ Հոկայդո պրեֆեկտուրայի Օբիհիրո քաղաքում 120 սմ ձյուն է տեղացել ընդամենը 12 ժամում, ինչը ռեկորդ է դարձել երկրի ողջ պատմության ընթացքում:
Իսլանդիայում մոլեգնում է վերջին տարիների ամենաուժեղ փոթորիկներից մեկը՝ զգալի վնաս պատճառելով ենթակառուցվածքներին: Փոթորիկն ուղեկցվում էր ամպրոպով եւ կայծակով, որը տեսանելի էր ամբողջ Իսլանդիայում, ինչը երկրի սուբարկտիկական կլիմայի համար, հատկապես ձմռանը, բացարձակապես հազվադեպ երեւույթ է:
Իսկ Ռուսաստանում հզոր հակացիկլոնը սահմանել է մթնոլորտային ճնշման ռեկորդներ՝ առաջացնելով անսպասելի խնդիրներ, այդ թվում՝ ավիացիոն սարքավորումների աշխատանքի խափանումներ։
Հերթական անգամ իրադարձությունները ցույց տվեցին, որ մարդկությունը շատ քիչ բան գիտի կլիմայի հետ կապված իրադարձությունների մասին եւ պատրաստ չէ նոր բնական անոմալիաների: Ի՞նչ եք կարծում, մեքենաների սեփականատերերից մեկը կարող էր կանխատեսել, որ անտիցիկլոնը նրանց նման խնդիրներ կբերի: Բայց չէ որ անգամ սա չէ ամենասարսափելին։ Մեր համայնքում ամեն ինչ, ներառյալ կարեւոր ենթակառուցվածքը, կախված է էլեկտրոնիկայից, որը կարող է ձախողվել բնական երեւույթների ազդեցությունից:
Առայժմ մենք տեսնում ենք թաքնված ռիսկերի միայն մի փոքր մասը, որոնք դեռ կբազմապատկվեն կլիմայական աղետների աճով պայմանավորված: Մենք պետք է պատրաստ լինենք առաջիկա մարտահրավերներին, իսկ դրա համար անհրաժեշտ է միավորել մոլորակի գիտական ներուժը, որպեսզի ավելի խորը ուսումնասիրենք կլիմայական ճգնաժամի պատճառները, վեր հանենք դրա բոլոր թաքնված վտանգները եվ ամենակարեվորը, գտնենք դրա վերջնական լուծման ճանապարհը։