გიორგი ცაბაძე. სიყვარულის თემა (ფილმიდან "მოიტაცეს თამარ-ქალი") / ჯემალ გოკიელი და ორკესტრი

"მოიტაცეს თამარ ქალი". ლირიკულ-რომანტიკული კომედია
გადაღება - 1971
რეჟისორი ლეილა გორდელაძე
კომპოზიტორი გიორგი ცაბაძე

ასრულებს საქართველოს ტელევიზიისა და რადიომაუწყებლობის სახელმწიფო კომიტეტის სიმფონიური ორკესტრი
დირიჟორი ჯემალ გოკიელი

მსახიობები კადრში: ხათუნა კოტრიკაძე, გია ავალიშვილი

მუსიკა, რომელშიც გადმოცემულია არა მხოლოდ გოგონას კდემა და ბავშვური სიწრფელე, არამედ ვაჟის უაღრესად სათუთი გრძნობები
მის მიმართ. ვაჟი თავის ფიქრებში ეფერება გულისსწორს. ფილმის ყველაზე ლამაზი კადრი.

ტექსტი:
მე საიდუმლოს შენახვა ვიცი
და რა ხანია გულში ვინახავ
სევდას, რომელსაც შენ ვერ მიმიხვდი,
შენმა თვალებმაც ვერ დაინახა.

მე, უსასრულო ლოდინიც ვიცი,
ვერ გამიგია, რამ გაგაოცა?
ღმერთი არა მწამს და ხატის ნაცვლად
მე შენს თვალებზე ვისწავლე ლოცვა.

მე შენზე ფიქრებს მივდევ კვალდაკვალ,
გულს იჭვის ლანდმა გადაუარა.
მე არც კი ვიცი ახლა სადა ხარ
და არც ის ვიცი, მოხვალ თუ არა.

მე საიდუმლოს ამოხსნაც ვიცი
და ვიცი შენი მალული ზრახვა:
გან-გან დადიხარ, რომ უფრად მეტად
მომინდეს შენი ღიმილის ნახვა.

ღმერთი არა მწამს და ხატის ნაცვლად
მე შენს თვალებზე ვისწავლე ლოცვა.

დასაკრავი სიები:
ქართული კინომუსიკა
გიორგი ცაბაძე