თბილისი, 1991 წელი. სახელმწიფო გადატრიალების წინა პერიოდი. ახალაღმოჩენილი კადრები

ვიდეო Gabriel Chubinidze-ს ფბ-დან

ვიდეოს დართული აღწერა:
"მეგობრებო, ძალიან მაგარი, სამოქალაქო ომის წინა პერიოდის კადრები ვიპოვე, გადაღებული BBC-ის მიერ.
ჯერ ბოლომდე არ გავსულვარ, შუაშიც კი არ ვარ, მაგრამ როგორც ჩანს ოქტომბრიდან იწყება, თბილისის ზღვაზე მომხდარი შეტაკებით. ჯერ რასაც ვუყურე სრული სიგიჟეა, თურმე რუსთაველზე ყოველღამე ერთმანეთის ცემა-ტყეპა მიდიოდა, ასეთი ქაოსი თუ იყო ნაღდად არ მეგონა.
როგორც ჩანს ვიდეო თავად ავტორმა ატვირთა და თან მიაწერა "I have uploaded this compiled video for the educational benefit of Georgian history students and for camera crews at the cutting edge of newsgathering, when everything starts off calm but noisy and then erupts into violence, shooting, killing, death and injuries. It was the first time I witnessed a man being lynched."
არ ვიცი ვინაა ეს კაცი, მაგრამ მადლობის მეტი არაფერი გვეთქმის, ჩვენი უბედურება კი ისაა რომ საკუთარი ისტორია უცხოელებმა უფრო კარგად აგვისახეს ვიზუალურად (და არამხოლოდ 🙂 ) ვიდრე ჩვენ.
ჩვენთან რა ხდება: გვაქვს მხოლოდ მცირე ფოტო არქივი (საქინფორმის, არასრული) და ტელევიზიის არქივი.
დანარჩენი ყველაფერი გადაყრილი და განადგურებულია. არადა რამდენი გაზეთი იყო, იმდენივე არქივიც არსებობდა. მაგრამ ყველაფერი ნაგავში წავიდა
ვიდეო არქივები კი ტელევიზიის გვაქვს, მაუწყებლის შენობაში. სულ ორჯერ ვარ ნამყოფი და მარტო ატმოსფეროს შესაგრძნობად ღირს იქ მისვლა... მაგრამ ატმოსფერო მალე მოკვდება რადგან მოგეხსენებათ და ტელევიზიის შენობა საფრთხეშია და ქოცები დანგრევას უპირებენ რაც ქალაქისადმი მიყენებული კიდევ ერთი დანაშაული იქნება.
თავად არქივი კარგად არ ვიცი რა არის შიგნით, კატალოგი არასდროს არ მინახავს, ანუ არ მაჩვენეს. მეორეს მხრივ, როგორც ვიცი 90-იანები ძალიან ცუდად არის შემონახული, რადგან VHS-კამერაზე, დეფიციტის გამო კადრების ზედ გადაწერა ხდებოდა, რითაც ნადგურდებოდა ისტორია. ნუ, ჭორის დონეზე, "დეფიციტის" მიღმა სარფიან ფასშიც იყიდებოდა რათა ზედ გადაეწერათ.
თავად ფასები წარმოუდგენლად მაღალია - აღარც მახსოვს, რადგან რომ მითხრეს მაშინვე ხელი ჩავიქნიე.
ე.ი. ვიზუალური მეხსიერების აღსადგენად, ან ესე უნდა ველოდოთ სანამ უცხოელები რამეს ატვირთავენ, ან უნდა მოხდეს მთლიანად საარქივო პოლიტიკის რეფორმა (რაც ამჟამინდელი ქოცური პოლიტიკის პირობებში ყველაზე მიამიტურ სიზმარშიც კი წარმოუდგენელია). ასევე მასობრივი კამპანია უნდა დავიწყოთ რათა ხალხმა, სახლებიდან რაც აქვთ ყველაფერი გამოიღონ (ფოტო, ვიდეო, აუდიო) და ჩააბარონ შესაბამისს სტრუქტურას (შესაბამისი სარგებლით).
ნუ ეს, საარქივო რეფორმის გარეშე შეუძლებელია, მაგრამ მე მჯერა რომ საქართველო ისევ გაერთიანდება ნიკოფსიიდან დარუბანდამდე და როცა ეს მოხდება დამიძახეთ!"

დასაკრავი სიები:
პოლიტიკური მასალები სოცქსელებიდან
ჩვენი ისტორიის ტკბილ-მწარე