Անտեսանելի սպառնալիք | Էգոն Չոլակյանի տեսաուղերձը

Իր «Անտեսանելի սպառնալիք» ուղերձում դոկտոր Էգոն Չոլակյանը բացահայտում է մեկ այլ համամոլորակային ճգնաժամի իրականությունը, որն առաջացել է միկրո եւ նանոպլաստիկի համատարած տարածման հետեւանքով։ Հիմնվելով խորը գիտական ապացույցների վրա՝ դոկտոր Չոլակյանը բացատրում է, թե ինչպես են պլաստիկի ամենափոքր մասնիկները թափանցել մեր կյանքի բոլոր անկյունները՝ ծովի խորքից մինչեւ մարդու մարմնի հյուսվածքներ։

Դոկտոր Չոլակյանը համոզիչ փաստեր է ներկայացնում, թե ինչպես է օդում, ջրում, սննդամթերքում եւ նույնիսկ մեր ներսում առկա նանոպլաստիկը հրահրում կործանարար գործընթացների շղթան՝ սկսած քաղցկեղից եւ վերարտադրողական խնդիրներից մինչեւ գենետիկ եւ նեյրոդեգեներատիվ խանգարումներ։ Դոկտոր Չոլակյանը կենտրոնանում է առանցքային խնդրի վրա, այն է՝ նանոպլաստիկը չի արտազատվում մեր օրգանիզմից՝ տեղավորվելով բջիջներում, խաթարելով միտոքոնդրիումների աշխատանքը եւ վնասելով ԴՆԹ-ն։

Դոկտոր Չոլակյանը նաեւ ընդգծում է պարադոքսալ իրավիճակը։ Այն, ինչ մենք սովոր ենք օգտակար համարել, այժմ վտանգ է ներկայացնում։ Միրգն ու բանջարեղենը, որոնք մենք ընտրում ենք «առողջ» սնվելու համար, այժմ ներծծված են նանոպլաստիկով։ Անտառային զբոսանքները, ծովային քամին, մի բան, որը միշտ օգտակար է եղել մեզ համար, այս ամենն այժմ աղտոտված է նանոպլաստիկով։ Այն, ինչ ժամանակին մեզ զորացնում էր, այժմ անտեսանելիորեն խաթարում է մեր առողջությունը։

Տարբեր երկրների գիտնականները փորձում են ուշադրություն հրավիրել այս սպառնալիքի վրա եւ ելք են փնտրում այս ճգնաժամից։ Դոկտոր Չոլակյանը նաեւ բարձրաձայնեց, թե մեզանից յուրաքանչյուրը ինչ կարող է անել՝ իր կյանքի վրա նանոպլաստիկի ազդեցությունը նվազագույնի հասցնելու համար։ Մեր ապագան կախված է նրանից, թե որքան շուտ մենք կգիտակցենք այս վտանգի մասշտաբները եւ կսկսենք գործել, քանի դեռ ունենք ուժ եւ մտքի հստակություն։
Կյանքի համար արժե՛ պայքարել։

Դոկտոր Էգոն Չոլակյանի պաշտոնական կայքը՝ https://earthsavesciencecollaborative.com/

Դոկտոր Էգոն Չոլակյանի պաշտոնական հաշիվները․
LinkedIn՝ linkedin.com/in/a-egon-cholakian-11256b4
Academia՝ https://harvard.academia.edu/EgonCholakian