پروگرام دین و دنیا مناسبت روز تکریم ملا صدرا

پروگرام دین و دنیا
مناسبت روز تکریم ملا صدرا
مہمان: حجه الاسلام و المسلمین سید زائر نقوی. میزبان محمد سبطین علوی
موضوعات گفتگو:
⭐ملا صدرا کی شخصیت
⭐حکمت متعالیہ کی خصوصیات
⭐برصغیر میں ان کے فلسفے سے آشنائ
خلاصہ گفتگو:
ملا صدرا، جنہیں صدر المتألّهین بھی کہا جاتا ہے، اسلامی فلسفے کی تاریخ کے ممتاز اور انقلابی مفکر ہیں۔ ان کی شخصیت علم، عرفان اور زہد کا حسین امتزاج تھی۔ انہوں نے فلسفے، کلام، تفسیر، عرفان اور فقه میں گہرے اثرات چھوڑے۔ ان کی سب سے بڑی علمی کاوش "حکمتِ متعالیہ" ہے، جو عقل، وحی اور عرفان کا جامع امتزاج ہے۔

حکمت متعالیہ کی نمایاں خصوصیات میں اصالتِ وجود، حرکتِ جوہریہ اور تشکیکِ وجود جیسے نظریات شامل ہیں، جنہوں نے اسلامی فلسفے کو ایک نئی بلندی عطا کی۔ ان کے فلسفے نے عقل کو کشف و شہود کے ساتھ جوڑ کر حقیقت کی جامع تعبیر پیش کی۔

برصغیر میں ملا صدرا کے فلسفے سے آشنائی مدارس اور فلسفی مراکز کے ذریعے ہوئی۔ علامہ اقبال جیسے مفکرین پر ان کی فکر کا اثر پایا جاتا ہے۔ آج بھی ان کا فلسفہ برصغیر میں دینی مدارس، جامعات اور تحقیقاتی اداروں میں پڑھایا اور سمجھایا جاتا ہے۔