ტვ-იმედი. ინტერვიუ ჰოლანდიის სამეფო ბალეტის სოლისტის გიორგი ფოცხიშვილის მშობლებთან. 31. 05. 2025

ჰოლანდიის სამეფო ბალეტის წამყვანი ქართველი სოლისტი - ექსკლუზიური ინტერვიუ გიორგი ფოცხიშვილის მშობლებთან „შაბათ კვირის დილაში“

ტვ-იმედი. შაბათ კვირის დილა. 31. 05. 2025
წამყვანი გიორგი კალანდია - ისტორიკოსი, ხელოვნების სასახლის დირექტორი, ტელეწამყვანი.
რესპონდენტები - გიორგი ფოცხიშვილის მშობლები: მაია კიკნაძე, გელა ფოცხიშვილი

ფრაგმენტი რეზიუმედან:
"გიორგი ფოცხიშვილი ფოცხიშვილების ქართული ხალხური ცეკვის დინასტიის წარმომადგენელია. მისი ოჯახი 60 წელია ამ საქმეს ემსახურება. ბაბუა, გელოდი ფოცხიშვილი იყო ქორეოგრაფიული ანსამბლის, „მეტეხის“ დამაარსებელი. გიორგის მშობლებმა, მაია კიკნაძემ და გელა ფოცხიშვილმა, ოჯახის ტრადიცია გააგრძელეს, მათ თავიანთი სტილი შექმნეს ქართულ ცეკვაში და ჩამოაყალიბეს ცეკვის აკადემია. რომელსაც თავად ხელმძღვანელობენ.
გიორგიმ ცეკვა ძალიან პატარა ასაკიდან დაიწყო. ასრულებდა ქართულ ტრადიციულ ცეკვებს ოჯახის ეროვნულ საცეკვაო ანსამბლში. 12 წლის იყო, როცა მშობლებმა შესთავაზეს ბალეტში ეცადა ძალები. ეს განსაკუთრებით დედის სურვილი იყო, რადგან იგი პროფესიით ბალერინაა და ვახტანგ ჭაბუკიანის სახელობის სკოლა აქვს დამთავრებული.
13 წლის იყო გიორგი ფოცხიშვილი, როცა ვახტანგ ჭაბუკიანის სახელობის საბალეტო სახელოვნებო სკოლაში ჩააბარა, სადაც ექვსი წლის განმავლობაში სწავლობდა.
საბალეტო სკოლის გამოსაშვებისთვის მომზადების პერიოდში, მან ფეისბუქზე გამოაქვეყნა დარბაზში ცეკვის დროს გადაღებული ვიდეო. მისთვის მოულოდნელად ვიდეომ ყურადღება მიიქცია და შედეგად მიიღო მიწვევა იტალიიდან, ბერლუსკონის სახელობის კონკურსიდან.
კონკურსი მილანში გაიმართა. გიორგი ჩავიდა, იცეკვა, გაიმარჯვა და ბერლუსკონის საპატიო პრიზიც მიიღო".
nplg.gov.ge/emigrants/ka/00001263/
ამის შემდეგ დაიწყო მოცეკვავის მსოფლიო ტრიუმფი.

დასაკრავი სია: ტერპსიქორეს ქურუმები