ନିର୍ବାଣଷଟ୍କମ୍, Nirvana Satakam with Odia Lyrics (Vocal Style-3) (Duet)

ଶିଵୋଽହଂ ଶିଵୋଽହମ୍. Written by Adi Shankaracharya
ଶ୍ରୀମଦ୍ ଶଙ୍କରାଚାର୍ଯ୍ୟପ୍ରଣୀତଂ ନିର୍ବାଣଷଟ୍କମ୍
ମନୋ ବୁଦ୍ଧ୍ୟହଂକାର ଚିତ୍ତାନି ନାହଂ
ନ ଚ ଶ୍ରୋତ୍ର ଜିହ୍ୱେ ନ ଚ ଘ୍ରାଣନେତ୍ରେ ।
ନ ଚ ବ୍ୟୋମ ଭୂମିର୍ନ ତେଜୋ ନ ବାୟୁଃ
ଚିଦାନନ୍ଦରୂପଃ ଶିଵୋଽହଂ ଶିଵୋଽହମ୍ ॥ ୧ ॥
ନ ଚ ପ୍ରାଣ ସଞ୍ଜ୍ଞୋ ନ ବୈପଞ୍ଚବାୟୁଃ
ନ ବା ସପ୍ତଧାତୁର୍ନ ବା ପଞ୍ଚକୋଶାଃ ।
ନ ବାକ୍ପାଣି ପାଦୌ ନ ଚୋପସ୍ଥ ପାୟୂ
ଚିଦାନନ୍ଦରୂପଃ ଶିଵୋଽହଂ ଶିଵୋଽହମ୍ ॥ ୨ ॥
ନ ମେ ଦ୍ୱେଷରାଗୌ ନ ମେ ଲୋଭମୋହୌ
ମଦୋ ନୈଵ ମେ ନୈଵ ମାତ୍ସର୍ୟଭାୱଃ ।
ନ ଧର୍ମୋ ନ ଚାର୍ଥୋ ନ କାମୋ ନ ମୋକ୍ଷଃ
ଚିଦାନନ୍ଦରୂପଃ ଶିଵୋଽହଂ ଶିଵୋଽହମ୍ ॥ ୩ ॥
ନ ପୁଣ୍ୟଂ ନ ପାପଂ ନ ସୌଖ୍ୟଂ ନ ଦୁଃଖଂ
ନ ମନ୍ତ୍ରୋ ନ ତୀର୍ଥୋ ନ ୱେଦୋ ନ ଯଜ୍ଞଃ ।
ଅହଂ ଭୋଜନଂ ନୈଵ ଭୋଜ୍ୟଂ ନ ଭୋକ୍ତା
ଚିଦାନନ୍ଦରୂପଃ ଶିଵୋଽହଂ ଶିଵୋଽହମ୍ ॥ ୪ ॥
ନ ମେ ମୃତ୍ୟୁ ଶଙ୍କା ନ ମେ ଜାତି ଭେଦଃ
ପିତା ନୈଵ ମେ ନୈଵ ମାତା ନ ଜନ୍ମ ।
ନ ବନ୍ଧୁର୍ନ ମିତ୍ରଂ ଗୁରୁର୍ନୈଵ ଶିଷ୍ଯଃ
ଚିଦାନନ୍ଦରୂପଃ ଶିଵୋଽହଂ ଶିଵୋଽହମ୍ ॥ ୫ ॥
ଅହଂ ନିର୍ବିକଳ୍ପୋ ନିରାକାର ରୂପୋ
ବିଭୁଃ ବ୍ୟାପ୍ୟ ସର୍ବତ୍ର ସର୍ଵେନ୍ଦ୍ରିୟାଣାମ୍ ।
ସଦା ମେ ସମତ୍ୱଂ ନ ମୁକ୍ତିର୍ନ ବନ୍ଧଃ
ଚିଦାନନ୍ଦରୂପଃ ଶିଵୋଽହଂ ଶିଵୋଽହମ୍ ॥ ୬ ॥