Hatrið á vestrænum gildum

Annar þáttur Ísafoldar hefst á hryllilegum morðum á forseta þings Minnesota í Bandaríkjunum, Melissu Hortman og eiginmanni hennar og skotárás á öldungardeildarþingmanninn John Hoffman og eiginkonu hans einnig í Minnesota. Listi með nöfnum 70 stjórnmálamanna fannst í bifreið ódæðismannsins og miklar umræður í gangi um markmið morðingjans með ódæðinu.

Svokölluð NGO (non governmental organizations) eru einkarekin samtök sem tjalda því til að þau séu rekin til styrktar góðgerðastörfum. Ríkið dælir peningum skattgreiðenda í samtökin sem síðan senda frá sér launaða atvinnumótmælendur sem standa fyrir óeirðum, kveikja í bílum og rústa verslunum m.fl.

Samtökin 78 á Íslandi eru NGO samtök og hafa fjárlög ríkisins nær 17-faldast til samtakanna frá 2017-2024. Samtökin stunda persónunjósnir til að koma höggi á þá sem ekki tilbiðja trans hugmyndafræðina sem S78 breiðir út fyrir fé skattgreiðenda. Samtökin hafa kært aðalbloggara landsmanna, blaðamanninn Pál Vilhjálmsson fyrir að halda því fram að kynin séu tvö, maður og kona. Einnig hafa S78 kært Eld Smára Kristinsson sem er samkynhneigður en trúir ekki að kynin séu fleiri en tvö, maður og kona.

Utanríkisráðherra Íslands hefur verið kærður fyrir landráð vegna Bókunar 35. Að undanförnu hefur færst í vöxt að stjórnvöld reki einstaklinga frá störfum ef viðkomandi hefur aðra skoðun en yfirvöldum er þóknanleg. Nýjasta dæmið er svipting Kalla Snæ á læknaleyfi sínu en hann hefur farið fram á úttekt á þeirri reynslu sem finnst eftir Covid-faraldurinn.

Mitt í öllu þessu hefja Íslendingar sem fengið hafa nóg fundi á Austurvelli. Ísland þvert á flokka hópurinn vex og margir Íslendingar m.a. erlendis senda hópnum árnaðaróskir og hvetja áfram.

Það gerir Ísafold líka og segir Áfram Ísland!