Како „Медена Земја“ стана друштвена игра за ученици?

Пораките од документарниот филм „Медена Земја“ кој во 2020 година се натпреваруваше за „Оскар“, се пренесуваат на учениците на возраст од 10 до 14 години. Тоа е едукативниот пакет или подобро кажано игра, со кој учениците преку интерактивен пристап имаат можност да се запознаат со клучните пораки од „Медена Земја“.

Но како настана играта? Самоил Петрески еден од сопствениците на првата македонска специјализирана продавница за друштвени игри „Гоблин“ ја раскажува приказната ... Успеавме да направиме асиметрична игра која ќе може да се заврши за еден школски час. Тоа значи дека секој од играчите различно игра и различно стигнува до победата - Атиџе на еден начин, сточарот на друг, трговецот на трет, а детето сосема поинаку ...