რუსთავი-2. გურამ შარაძის საბედისწერო ინტერვიუ - პრეზიდენტ გამსახურდიას მკვლელობა. მარტი, 2007

president, gamsakhurdia

Daniel Savaneli-ს ფეისბუქიდან. 16. 01. 2014

გურამ შარაძე ადასტურებს, ზვიადის მარცხენა ლოყაზე გამოსული, ნატყვიარის არსებობას. სენაკის აეროპორტში, კომისიის წევრმა გურამ შარაძემ, თავად ნახა ჯიხაშკარიდან გადმოსვენებული ზვიად გამსახურდიას ცხედარი. გურამ შარაძემ თავის მკვლელობამდე ცოტა ხნით ადრე, ფაქტურად ამხილა ბესარიონ გუგუშვილი და სხვა გამყალბებლები. შარაძემ აღიარა, რომ მარჯვენა საფეთქელში შემავალი ტყვიის გამომავალი ხვრელი, მარცხენა ლოყის ზედა ნაწილში მდებარეობდა. გუგუშვილის ყალბი მტკიცებით კი ეს ხვრელი მარცხენა ყურის ზედა წვერში მდებარეობდა. ეს საბედისწერო ინტერვიუ 2007 წლის მარტში შედგა, ორ თვეში კი, 2007 წლის 20 მაისს, გურამ შარაძე მოკლეს. საინტერესოა ამ ინტერვიუს რაიმე კავშირი ხომ არ აქვს მის მკვლელობასთან.
ეს ინტერვიუ ერთ-ერთი მტკიცებულება იმ ჯიხაშკარის ვიდეო მტკიცებულებასთან ერთად იმისა, რომ თვითმკვლელობის იმიტაციისა და ინსცენირების მიზნით მარჯვენა საფეთქელში ნასროლი ტყვია მარცხენა ლოყაში, მის ზედა ნაწილში გამოვიდა. კიდევ დავაზუსტებ, ამ მეორე ტყვიის გამომავალი ხვრელი მდებარეობს მარცხენა საფეთქლის ქვემოთ, მარცხენა ყურის შუა ნაწილის გასწვრივ, მარცხენა ლოყის ზედა ნაწილში. ეს გამომავალი ნატყვიარი მოგვიანებით ექსპერტმა თამარ დეკანოსიძემაც დაადასტურა, ასევე მოგვიანეით ამის შესახებ სოსო თორიამაც განაცხადა. თავი დაიზღვიეს და ეს ვერ დამალეს როსტოვის ექსპერტებმაც, ოღონდ ბუნდოვანი მდებარეობა მიუთითეს, გამომავალი ხვრელიო მარცხენა საფეთქლთან, ახლო მიდამოში მდებარეობსო. ტყვიის ტრაექტორიაზე დაიწერა, მარჯვნიდან მარცხნივ, ზემოდან ქვემოთ და წინიდან უკან. რაც აბსოლიტურად დასტურდება დამოუკ. ჟურნალისტის მიერ გადაღებული ჯიხაშკარის ვიდეოშიც. გუგუშვილი და დაცვის ზოგიერთი წევრი, აგრეთვე ავთანდილ მარგიანი აშკარად და უტიფრად ცრუობენ როცა აცხადებენ, ტყვიამ მარცხენა ყური ზედა წვერთან გამოვიდაო. მარცხენა ყურის წვერში არავითარი ტყვიის
ხვრელი და დაზიანება არ აღინიშნება.
აღსანიშნავია აგრეთვე მარჯვენა კისერში ნიკაპის ქვემოთ მკვლელობის მიზნით ნასროლმა პირველმა ტყვიამ კი თავის უკანა მარცხენა ნაწილის ქვემოთ ფუძის ძვალის არე გამოანგრია და აქ იყო პირველი ტყვიის გამომავალი ხვრელი. როგორც დავით ჯალაღონია აღნიშნავს, ეს ხვრელი საკმაოდ დიდი ყოფილა და სხვა მოწმეთა ჩვენებებს თუ გავითვალისწინებთ, ქვემოთ ფუძის ძვალთან იწყებოდა და ზემოთ კი ყურის წვერზე ოდნავ მაღლა მდებარეობდა, ოღონდ უკანა მხარეს რა თქმა უნდა. ეს დაადასტურეს ცოლ-ქმარმა ღურწკაიებმა ("თავის უკან ხელი შემივარდაო"), სოსო თორიამ, მოგვიანებით დაადასტურებს ექიმი დავით ჯალაღონია. ავთო იოსელიანი კი გუგუშვილისგან განსხვავებით საფეთქელში ნასროლი ტყვიის გამომავალ ხვრელად დაასახელებს თავის უკანა ხვრელს. ყურის წვერის დაზიანებას ეგეც უარყოფდა. გუგუშვილს, დაცვის წევრებს, ავთანდილ მარგიანს და ავთანდილ იოსელიანს დროთა განმავლობაში ტყუილ-მართალი ერთმანეთში აქვთ არეული და საერთო პოზიცია არ გააჩნიათ. ექიმი დავით ჯალაღონია გარდაიცვალა, თამარ დეკანოსიძეც გარდაცვლილია, ავთო იოსელიანი საეჭვო ვითარებაში ანუ უცაბედად გარდაიცვალა, გურამ შარაძე მოკლეს ამ ინტერვიუს გასვლიდან რამოდენიმე ხანში, ვითომ შემთხვევითი დამთხვევაა შარაძეს ეს მოგვიანებითი აღიარება და მისი მომავალი მკვლელობა.
აქ რამოდენიმე მნიშვნელოვანი დეტალია აღსანიშნავი, რატომ იქცა ტყვიის გამომავალი ხვრელი შევარდნაძის გარემოცვის აქილევსის ქუსლად. თავდაპირველად გადაწყვიტეს ამოევსოთ უცხო ნივთიერებით კისრის და ლოყის ხვრელები, ხოლო საფეთქლის და თავის უკანა ხვრელი კი ხელუხლებელი დატოვეს. უკანა ხვრელი იმხელა იყო იმის ამოვსებას ან გაკერვას აზრი არ ჰქონდა, მაინც გამოჩნდებოდა. ამიტომაც შეთანხმდნენ, რომ იტყოდნენ მარჯვენა საფეთქელში ნასროლი ტყვია, თავის უკან გამოვიდაო.
როცა ჯიხაშკარში კუბოს თავი გადახადეს მიცვალებული ცხედარზე, კისრისა და ლოყის ხვრელები კვლავ გამოჩნდნენ, რადგანაც თვენახევრის შემდეგ მიცვალებულის კანი კიდე უფრო დაიჭიმა და ხვრელთა კიდეები ერთმანეთს კიდევ უფრო დაშორდნენ. თამარ დეკანოსიძე მოგვიანებით, ჯიხაშკარის ვიდეოს ნახვისას იტყვის, კისრის ნატყვიარის მარჯვენა კიდის მხარეს შეინიშნებაო უცხო ქსოვილიო, რაც ვიდეოშიც მართლაც კარგად ჩანს. იხ. ეს ვიდეო. ასე რომ შევარდნაძის ოფიციოზის ნაწილი მაგ. ა. იოსელიანი ამბობს, რომ საფეთქელში ნასროლი ტყვია თავის უკან გამოვიდაო. მითუმეტეს კარლო ღურწკაიას ხომ თავიდანვე ნათქვამი ჰქონდა "თავის უკან ხელი შემივარდაო", ჯალაღონიამ მოგვიანებით იგივე თქვა. თავდაპირველად ოფიციოზი ამ აბსურდს არ უფიქრდებოდა სიღრმისეულად. როცა გამსახურდიას ცხედრის ექსგუმაცია მოხდა როსტოვის ექსპერტიზის ცენტრში, თავის ქალის უკანა დამსხვრეული ნაწილი გააქრეს, რადგანაც არ აწყობდათ. გასაგები გახდებოდა, რომ ზვიადი მოკლული იყო. როსტოვის ექსპერტები ისეთი სულელებიც არ არიან, რომ დაეწერათ თითქოს მარჯვენა საფეთქელში ნასროლი ტყვია, თავის უკან მარცხენა მხარეს გამოვიდაო. ეს იქნებოდა აბსურდი. ეს რა თქმა უნდა ანაქრონიზმია, როგორ უნდა დაიჭიროს იმ სიგრძე სტეჩკინი თვითმკვლელმა, რომ ესეთი დახრა მისცეს იარაღს და მერე კიდე თავზე ისე მიიდოს, ამ იარაღის ლულამ შექმნას ფაქტიურად თქვენ წარმოიდგინეთ საფეთქლის დაფის სიბრტყესთან მინიმუმ 140 და მაქსიმუმ 180 გრადუსი, ეს ხომ აბსურდზე აბსურდია, თანაც იარაღის ლულა მიმართული იყოს თავის უკანა მარცხენა ნაწილისკენ. ყოველივე ამის შემდეგ მინიმუმ მეორე ხელია საჭირო, რომ სასხლეტს ხელი გამოჰკრა. ამიტომაც როსტოვის ექსპერტებმა ამ სისულელით თავი არ შეიწუხეს და საფეთქელში შემავალი ტყვიის, რეალური გამომავალი ხვრელი მიუთითეს ოღონდ ბოლომდე ზუსტად არ დააკონკრეტეს, რომ ლოყის ზედა ნაწილში მდებარე ხვრელია. მარცხენა საფეთქლის მიდამოებშიო. მართლაც რეალური ხვრელი მარცხენა საფეთქლის ქვემოთ, 2-3 სმ-ში მდებარეობს, შუა ყურის გასწვრივ მარცხენა ლოყის ზედა ნაწილში. ტყვიის დახრის კუთხესთან დაკავშირებით შევარდნაძე-გუგუშვილის სიცრუის იმპერია რღვევას განიცდის, ამიტომაც მოიგონეს ალტერნატივა და მათი ვირტუალური გამომავალი ხვრელი ზემოთ ასწიეს და ოდნავ წინ წამოსწიეს და გუგუშვილი ამიტომაც ამბობს გამომავალი ხვრელი მარცხენა ყურის წვერში იყოო. ლოყისკენ მაინც ვერ წამოვიდნენ რადგანაც, მაშინ თავის უკანა ხვრელს რას უშვებიან, ამას ხომ ბევრი მოწმე ჰყავს. აი ყურის წვერი კი თავის უკანა არესთანაც ახლოა და თანაც დახრის კუთხე ვითომც რეალურს უახლოვდება მათი აზრით. ხოდა არიან ასე გაჭედილში გუგუშვილები და მისი ამფსონები.
გაჭედილში არიან რადგანაც დახრის კუთხე მაინც არარეალურია თუნდაც ამ ვირტუალურ შემთხვევაში. თანაც ყველაზე მთავარი არანაირი სერიოზული დაზიანება, სადაც უნდა იყოს გამომავალი ხვრელი მარცხენა ყურის წვერში არ აღინიშნება.
კისრის ნატყვიარს რაც შეეხება, როსტოვის დასკვნაში არ ახსენეს, რადგანაც წინიდან ტყვიამ რბილობში გაიარა და რბილი ქსოვილები აღარ არსებობს. ხოლო გამოსავალი ხვრელი სადაც იყო, თავის უკანა მარცხენა ნაწილში. სადაც სასიკვდილო ტყვიამ, პრეზიდენტს თავის ქალა გამოუნგრია, ამ გამონგრეული თავის ქალის, საკმაოდ დიდი ნაწილი, როგორც ირკვევა რუსულმა სპეცსამსახურებმა თვითონვე გააქრეს და გადამალეს. რა თქმა უნდა კრემლი, ედუარდ შევარდნაძეს თავის ერთგულ მოკავშირეს და კგბ-ს ძველ მუშაკს მკვლელობაში არ ამხელს.

დასაკრავი სია: ზვიად გამსახურდია - დისიდენტი და პრეზიდენტი