რუსთავი-2. აშშ-ევროკავშირის სავაჭრო შეთანხმება: ტრამპი იცავს ამერიკის ინტერესებს. 28. 07. 2025

usa, trump, eu, trade

რუსთავი-2. კურიერი. 28. 07. 2025 (12:00)
წამყვანი თამარ ურუშაძე
კორესპონდენტი შოთა ფალავანდიშვილი

დამატებით:
"15 პროცენტი ცუდი ციფრი არ არის. ეს საუკეთესო შედეგია, რაც მოვიპოვეთ" - ამერიკამ და ევროკავშირმა სავაჭრო შეთანხმებას მიაღწიეს
28. 07. 2025

ამერიკამ და ევროკავშირმა სავაჭრო შეთანხმებას მიაღწიეს. დონალდ ტრამპი და ურსულა ფონ დერ ლაიენი ერთმანეთს შოტლანდიაში შეხვდნენ. მოლაპარაკება შედგა - დოკუმენტის მიხედვით, შტატებში ევროპული საქონლის იმპორტზე 15-პროცენტიანი ტარიფები დაწესდება.
შეთანხმების ძირითადი პუნქტები ასეთია: ევროკავშირი შეიძენს შტატებიდან 750 მილიარდი დოლარის ღირებულების ენერგორესურსებს, ასევე ევროკავშირი შტატებში დამატებით 600 მილიარდი დოლარის ინვესტირებას გააკეთებს.
მხარეები გადაწყვეტილებას დადებითად აფასებენ, თუმცა ევროპელი პოლიტიკოსები შეთანხმებას უკვე აკრიტიკებენ. მათი განცხადებით, დოკუმენტი ევროპისთვის და მისი ეკონომიკისთვის კაბალურია.
ევროკომისიის პრეზიდენტის, ურსულა ფონ დერ ლაიენის განცხადებით, 15%-ანი ტარიფი საუკეთესო შედეგია, რომლის მოპოვებაც მათ შეძლეს.
"15 პროცენტი ცუდი ციფრი არ არის. ეს საუკეთესო შედეგია, რაც მოვიპოვეთ. ეს ყველაფერზე ვრცელდება. ასევე, შევთანხმდით, რომ რიგ სტრატეგიულ პროდუქტებზე ნულოვანი ტარიფი იქნება.
ესენია: თვითმფრინავები და მათი ნაწილები, ზოგიერთი ქიმიკატი, ნახევარგამტარული აღჭურვილობა, სოფლის მეურნეობის ზოგიერთი პროდუქტი, ბუნებრივი რესურსები და კრიტიკული ნედლეული. ამ სიას კიდევ დავამატებთ სხვა პროდუქტებსაც", - განაცხადა ურსულა ფონ დერ ლაიენმა.
https://rustavi2.ge/ka/news/320890

ტელეგრამარხიდან World Military • ანალიტიკა. 28. 07. 2025
"ევროკავშირსა და აშშ-ს შორის ახალი სავაჭრო შეთანხმება მნიშვნელოვანი ნაბიჯია ტრანსატლანტიკურ სავაჭრო ურთიერთობებში შესაძლო დაძაბულობის თავიდან ასაცილებლად და ადასტურებს ევროკავშირის ერთიანობისა და დიპლომატიური ძალისხმევის წარმატებას" — განაცხადა გერმანიის კანცლერმა, ფრიდრიხ მერცმა.
მერცის თქმით, ეს შეთანხმება თავიდან იცილებს სავაჭრო კონფლიქტს, რომელიც სერიოზულად დააზარალებდა გერმანიის ექსპორტზე ორიენტირებულ ეკონომიკას — განსაკუთრებით ავტომრეწველობის სფეროში. შეთანხმების მიხედვით, ტრამპის ეპოქის ტარიფები მნიშვნელოვნად შემცირდება — 27.5%-დან 15%-მდე, რაც მერცმა ინდუსტრიისთვის უაღრესად მნიშვნელოვან მიღწევად შეაფასა.

დასაკრავი სია: პოლიტიკური მასალები სხვადასხვა მედიიდან