რუსთავი-2. ცსს-ს დირექტორი ჯონ რეტკლიფი საუბრობს ტრამპის რუსეთთან კავშირის მითზე. 28. 07. 2025

cia, trump, russia

რუსთავი-2. კურიერი. 28. 07. 2025 (12:00)
წამყვანი თამარ ურუშაძე

დამატებით:
შტატებში მიმდინარე სკანდალურ გამოძიებაზე, ტულსი გაბარდის შემდეგ, ცენტრალური სადაზვერვო სააგენტოს დირექტორი საუბრობს
28. 07. 2025

შტატებში მიმდინარე სკანდალურ გამოძიებაზე, ტულსი გაბარდის შემდეგ, ცენტრალური სადაზვერვო სააგენტოს დირექტორი საუბრობს. "ფოქს ნიუსთან" ინტერვიუში, ჯონ რეტკლიფმა ისაუბრა ინფორმაციაზე, რომელიც, მისი თქმით, ადასტურებს, რომ ჰილარი კლინტონისა და მისი საარჩევნო კამპანიის გეგმა იყო ტრამპისთვის ბრალი დაედოთ რუსეთთან ცრუ თანამშრომლობაში, რისთვისაც მაკომპრომეტირებელი მასალები უნდა გამოეყენებინათ.
მისივე თქმით, ახლა შესაძლოა, ზოგიერთი პირის სისხლისსამართლებრივი პასუხისმგებლობის საკითხი დადგეს.
"2016 წელს, ზაფხულში, აშშ-ის დაზვერვამ ჩაიწერა რუსეთის დაზვერვის წარმომადგენლების საუბარი, რომლებიც ჰილარი კლინტონის გეგმაზე საუბრობდნენ - გეგმაზე, რომელიც დონალდ ტრამპს რუსეთთან შეთქმულების ცრუ ბრალდებას უყენებდა, ამ ცილისწამებით მისი დისკრედიტაციის მიზნით. მხოლოდ 2020 წლის ოქტომბერში, გულმოდგინე ძებნის შემდეგ, აღმოვაჩინე ჯონ ბრენანის ხელნაწერები, რამაც ცხადყო, თუ რა მოხდა სინამდვილეში. ამ 4 წლის განმავლობაში, ამერიკელ ხალხს დაუმალეს სიმართლე რუსული შეთქმულების მითის წარმოშობის შესახებ. ჯო ბაიდენის არჩევის შემდეგ, კიდევ 4 წელი გაგრძელდა სიმართლის დამალვა. იყო გეგმა, და ჰილარი კლინტონმა ის პირადად დაამტკიცა. პროცესი, რომელსაც ჩვენ ახლა გავდივართ, მნიშვნელოვანია ანგარიშვალდებულებისა და პრევენციისთვის, რათა თავიდან ავიცილოთ იგივე", - აცხადებს აშშ-ის ცენტრალური სადაზვერვო სააგენტოს დირექტორი ჯონ რეტკლიფი.
https://rustavi2.ge/ka/news/320896

დასაკრავი სია: პოლიტიკური მასალები სხვადასხვა მედიიდან