ფეისბუქი. საქართველოს საჰაერო ძალების Су-25 მოიერიშეები 2008 წლის აგვისტოს ომში. 08. 08. 2025

georgia, russia, war, 2008

ფბ Gigaa Inashvili. 08. 08. 2025
ორი როლიკის მონტაჟი:
https://www.facebook.com/watch/?v=1064888102438981
https://www.facebook.com/watch/?v=3580235025443213

ომის დროს საჰაერო ძალების შეიარაღებაში 12 ერთეული საბრძოლო მზადყოფნაში მყოფი Cy-25 იყო.
მათი მცირე ნაწილი მოდერნიზებული Су-25КМ "მიმინო" იყო, 2 ცალი კი სასწავლო-საბრძოლო ორ ადგილიანი Су-25УБ.
8 აგვისტოს დილის 06:30 საათისთვის მოიერიშე ავიაციამ პირველი და საბოლოო ჯამში ერთადერთი საბრძოლო გაფრენა განახორციელა.
დაიბომბა ტრანსკავკასიურ მაგისტრალზე მომავალი რუსეთის 58-ე არმიის ერთ-ერთი ჯავშანსატანკო კოლონა, რომელიც ტანკებისგან, ქსმ-ებისგან და ჯავშანტრანსპორტიორებისგან შედგებოდა.
მთლიანობაში 4-მა თვითმფრინავმა კოლონის თავზე 6 ცალი 250 კგ-იანი მსხვრევად-ფუგასური საავიაციო ბომბი ОФАБ-250 და 18 ცალი 500 კგ-იანი ОФАБ-500 ჩამოყარა.
თითოეულ თვითმფრინავზე 6 ცალი ბომბი და 2 ცალი ჰაერი-ჰაერი კლასის სითბური რაკეტა Р-60 იყო ჩამოკიდებული, ასევე თვითმფრინავის ცხვირიში ჩაშენებული 2 ლულიანი 30 მმ-იანი საავიაციო ქვემეხი ГШ-30-2, 250 ჭურვის მარაგით. ასევე 2 ცალი 840 ლიტრიანი დამატებითი საწვავის ავზი ПТБ-800.
ბომბები თვითმფრინავებმა პირველივე შესვლაზე ჩამოყარეს და კოლონის მნიშვნელოვანი ნაწილი გაანადგურეს.
ერთ-ერთმა Су-25 მა კოლონას მეორედაც გადაუარა.
მობრუნებული საფრენი აპარატები ერთ-ერთ აეროდრომზე დაჯდნენ და გადამალეს.
ამ დროისთვის საქართველოს საჰაერო სივრცეში უკვე რუსული Миг-29 და Су-27 გამანადგურებელი თვითმფრინავები გამოჩნდნენ და პრაქტიკულად საჰაერო
ბატონობა მოიპოვეს, რითაც ქართული Су-25 ების საბრძოლო ფრენები პირდაპირ დანაკარგებთან იქნებოდა დაკავშირებული.

დასაკრავი სია: ჩვენი ისტორიის ტკბილ-მწარე