Беседа - XXXVII - Што е Зло

Во триесет и седмата епизода на Беседа ја отвораме темата „Што е Зло?“ - си поставуваме за цел да го разбереме неговото потекло и маски. Злото го разгледуваме како динамика што го разградува поредокот, достоинството и врската меѓу луѓето, и како енергија која внесува ентропија во односите, системите и самата личност.

Тргнуваме од основните поими: злото не е само отсуство на добро, туку активна (но паразитна) појава што намерно или пасивно носи штета, поделба и пореметување. Психолошки, го анализираме коренот на злото во сенката – во она што го одрекуваме кај себе и го проектираме во другиот; дехуманизацијата, зависноста од групна лојалност и кукавичлукот што раѓа баналност на злото, каде малите компромиси резултираат со големи трагедии.

Преку конкретни примери и системски механизми, ја покажуваме способноста на злото да се маскира како „ред“, „правда“ или „повисоко добро“, особено кога е институционализирано или оправдано со идеологија. Во надконцептуалната димензија, злото е заборав на целината – губење на врската со живото, со совеста и со битието, што резултира со самозалажување, инструментализација и духовна затвореност.

Епизодата кулминира со духовниот увид: вистинскиот отпор кон злото започнува со лично признание, искреност и со избрано обнова на врската со целината – преку вистина, љубов и одговорна слобода. Наместо морализаторска осуда, прифаќаме дисциплинирана мудрост и преобразувачка храброст како пат кон надминување и лекување на злото во себеси и светот околу нас.

― ― ― ― ― ― ― ― ―

Менторска програма Беседа, за личен и заеднички раст и развој.
Контакт: [email protected]

― ― ― ― ― ― ― ― ―

Spotify: https://open.spotify.com/show/5VoczfDsnLgm6fq3mALK6K
Facebook: https://www.facebook.com/beseda.podkast
X: https://x.com/BesedaPodkast
Odysee: https://odysee.com/@beseda
Rumble: https://rumble.com/c/c-7303816
YouTube: https://www.youtube.com/@BesedaPodkast
Telegram: https://t.me/besedapodkast
RSS: https://anchor.fm/s/ffcf15c0/podcast/rss

― ― ― ― ― ― ― ― ―

НАПОМЕНА / ПРЕДУПРЕДУВАЊЕ:

На кратко: ние (авторите и гостите на Беседа) сме целосно и единствено одговорни за нашите размисли, расудувања и постапки; па така и ти, што нѐ следиш, си целосно и единствено одговорен за твоите.

―

На долго: ништо што е искажано во оваа емисија не може да се сфати како професионален или меродавен совет од аспект на здравје, лечење, медицина, психотерапија, начин на живот, расудување, носење животни одлуки, превземање постапки, и било какви други животни активности.

Секоја одлука или постапка која следачите или било кој или што друго би ја превзеле е направена при целосна нивна и само нивна решителност и чиста свест, и со тоа во целосна и само нивна одговорност. Беседа и нејзините автори и гости не превземаат ниту прифаќаат никаква одговорност, било морална, правна или каква друга, за последиците кои би настанале од одлуките и постапките на следачите на Беседа или другите, без разлика на тоа дали истите ги направиле инспирирани или подтикнати од следењето на епизодите. Ние или било кој друг ниту можеме ниту сакаме да предвидиме кој човек, група, организација или ентитет каков заклучок, одлука или постапка ќе направи непосредно или посредно во однос на нашата емисија, и дали истите ќе бидат позитивни, неутрални или негативни, правни или противправни. Затоа, целосната одговорност за постапките на другите им паѓа ним, никако нам.