ರಾಷ್ಟ್ರ ಮಾನ್ಯತೆ

ಯುನೈಟೆಡ್ ಕಿಂಗ್‌ಡಮ್, ಕೆನಡಾ ಮತ್ತು ಆಸ್ಟ್ರೇಲಿಯಾ ಪ್ಯಾಲೆಸ್ಟೈನ್ ಅನ್ನು ರಾಷ್ಟ್ರವಾಗಿ ಅಧಿಕೃತವಾಗಿ ಗುರುತಿಸುವ ಮಹತ್ವದ ನಿರ್ಧಾರ ಕೈಗೊಂಡಿವೆ. ಬ್ರಿಟಿಷ್ ಪ್ರಧಾನಿ ಕೀರ್ ಸ್ಟಾರ್ಮರ್ ಈ ಕ್ರಮವು ಎರಡು-ರಾಜ್ಯ ಪರಿಹಾರಕ್ಕೆ ಭರವಸೆಯನ್ನು ನೀಡುತ್ತದೆ ಎಂದು ಹೇಳಿದ್ದಾರೆ. ಕೆನಡಾ ಮೊದಲ G7 ರಾಷ್ಟ್ರವಾಗಿ ಪ್ಯಾಲೆಸ್ಟೈನ್‌ಗೆ ಮಾನ್ಯತೆ ನೀಡಿ, ಶಾಂತಿಯುತ ಭವಿಷ್ಯದ ಕಡೆ ಬದ್ಧತೆಯನ್ನು ಘೋಷಿಸಿದೆ.

ಈವರೆಗೂ ಯಾಕೆ ಮಾನ್ಯತೆ ಇಲ್ಲ

ಪ್ಯಾಲೆಸ್ಟೈನ್ ತನ್ನ ಸ್ವತಂತ್ರ ರಾಷ್ಟ್ರ ಸ್ಥಾನಕ್ಕಾಗಿ ದಶಕಗಳಿಂದ ಹೋರಾಟ ನಡೆಸುತ್ತಿದೆ. 1948ರಲ್ಲಿ ಇಸ್ರೇಲ್ ಸ್ಥಾಪನೆಯಾದಾಗಿನಿಂದ ಭೂಮಿ ವಿಭಜನೆಯ ವಿವಾದ ಉಂಟಾಯಿತು. ಇಂದಿಗೂ ಗಡಿಭಾಗದ ಸ್ಪಷ್ಟತೆ ಇಲ್ಲದೆ ಗಾಜಾ ಮತ್ತು ವೆಸ್ಟ್ ಬ್ಯಾಂಕ್ ಪ್ರದೇಶಗಳಲ್ಲಿ ನಿರಂತರ ಗಲಭೆ ಮುಂದುವರಿದಿದೆ. ಅಮೆರಿಕಾ ಮತ್ತು ಇಸ್ರೇಲ್ ಬೆಂಬಲಿಸುವ ಕೆಲವು ರಾಷ್ಟ್ರಗಳು ಪ್ಯಾಲೆಸ್ಟೈನ್ ರಾಷ್ಟ್ರತ್ವಕ್ಕೆ ವಿರೋಧ ವ್ಯಕ್ತಪಡಿಸುತ್ತಿವೆ.