ტელეგრამი. გაზას მოსახლეობა სამშვიდობო შეთანხმებას ზეიმობს. 09. 10. 2025

israel, hamas

ტელეგრამარხიდან ალფა სიხშირე / alpha frequency. 09. 10. 2025
ღაზას სექტორში სამშვიდობო შეთანხნების მიღწევასა და საბრძოლო მოქმედებების შეწყვეტის შესახებ მიღებულ გადაწყვეტილებას ადგილობრივი მოსახლეობა ზეიმობს…
კატარის საგარეო საქმეთა სამინისტროს განცხადება:
“შეთანხმება გახსნის გზას ჰუმანიტარული დახმარების ღაზის სექტორში შეყვანისთვის, ხოლო დეტალები მოგვიანებით გამოცხადდება”
https://t.me/alphafrequency1/62616

ამავე არხიდან:
თეთრი სახლის მაღალი თანამდებობის მქონე ამერიკელი ოფიციალური პირი აცხადებს, რომ
ღაზაში ომი უკვე დასრულდა. მძევლების გათავისუფლება კი მოხდება სამშვიდობო შეთანხმების ისრაელის მიერ დამტკიცებიდან 72 საათის შემდეგ, ანუ შაბათს. საბოლოოდ კი ცეცხლის შეწყვეტის პროცესიც მაქსიმუმ ორშაბათამდე დასრულდება.
ბენიამინ ნეთანიაჰუ: „ღმერთის დახმარებით, ჩვენ ყველას სახლში დავაბრუნებთ.“
“ეს დიდებული დღეა ისრაელისთვის. ხვალ მთავრობის სხდომას ჩავატარებ შეთანხმების დასამტკიცებლად და ჩვენი ძვირფასი მძევლების დასაბრუნებლად”.
“გულწრფელად ვუხდი მადლობას ისრაელის თავდაცვის ძალების გმირ სამხედროებს და უსაფრთხოების ყველა სტრუქტურას, რომელთა სიმამაცემ და თავგანწირვამ მიგვიყვანა ამ დღემდე”.
“განსაკუთრებულ მადლობას ვუხდი პრეზიდენტ ტრამპს და მის გუნდს ჩვენი მძევლების გათავისუფლების ამ წმინდა მისიაში თავგანწირული მუშაობისთვის”.

ჰამასის ოფიციალური განცხადება:
“ჩვენ ვაცხადებთ შეთანხმების მიღწევას, რომელიც გულისხმობს ომის დასრულებას ღაზაში, საოკუპაციო ძალების გაყვანას, ჰუმანიტარული დახმარების შეშვებას და ტყვეების გაცვლას”.
“ძალიან მადლიერები ვართ და უმაღლეს შეფასებას ვაძლევთ ძმურ შუამავლებს — ყატარს, ეგვიპტესა და თურქეთს. ასევე ვაფასებთ მათსა და აშშ-ს ძალისხმევას პრეზიდენტ დონალდ ტრამპის ხელმძღვანელობით , რომელიც მიზნად ისახავდა ომის სამუდამოდ შეწყვეტას და ოკუპაციის დასრულებას- ჯარების გაყვანას ღაზის სექტორიდან”.

დასაკრავი სია: პოლიტიკური მასალები სოცქსელებიდან