გურჯაანული “ჩაკრულო” / ანსამბლი "შავნაბადა"

georgian, folk, song

"ჩაკრულოს" ერთ-ერთი ვერსია - გურჯაანული, ანსამბლ "შავნაბადას" შესრულებით.
სოლისტები: კოტე ამაშუკელი, გაგა აბაშიძე.

ანსამბლ "შავნაბადას" 15 წლის საიუბილეო კონცერტის ფრაგმენტი.
ფესტივალი "შემოდგომის თბილისი".
ჯ. კახიძის სახ. თბილისის მუსიკალური ცენტრი.
კოვიდ-პანდემიის გამო კონცერტი წინასწარ ჩაიწერა და გადაიცა 1ტვ (საზმაუ)-ს არხზე: 23. 11. 2020

ტექსტი:
კაცისა მიყვარს სტუმრობა, კაცისა, არნახულისა.
დავწვი შეშა და ფიცარი, ფიცარი ჭირნახულისა.
ურმისა მორგვი დავხეთქე, ცეცხლი დავანთე გულისა,
ორკეცად ალი ამოსდის, ნახე დახვედრა სტუმრისა!

“ჩაკრულოს” ამ ვარიანტს აქვს ტექსტის სხვა ვერსიებიც. ერთ-ერთი მათგანია:
კაცსა სტუმარი ეწვიოს, სტუმარი არ ნახულისა,
დააპოს ურმისა მორგვი ზაფხულის შენახულისა;
დასწვას ფიწალი, ორთითი, ცეცხლი დაანთოს გულისა,
ოთხკუთხივ ბოლი ავიდეს, დასვას და ანადიმოსა,
ატლასის კაბა ჩააცვას და ცხენსაც შესვას პილოსა.
ყველა ტყუილად ჩაუვლის, თუკი არ ასმევს ღვინოსა.
(ვახუშტი კოტეტიშვილი. ხალხური პოეზია. 1934.).

დასაკრავი სიები:
ქართული ხალხური სიმღერა
ჩაკრულო - კოსმოსში გასული ქართული გენია