За арменско 1903 година | Za armensko 1903 godina | Александар Сариевски | Aleksandar Sarievski | Македонски Песни | Makedonski Pesni | Macedonian Songs | Macedonia | Македонија

За арменско 1903 година
Ми пороси, мамо, ситна роса,
тамо долу, мамо, во леринско,
дури горе, мамо, во арменско.

Не ми била мамо ситна роса,
тук ми била, мамо, турска војска,
јаничари мамо, зулумќари.

Голем зулум мамо направија,
многу деца, мамо, ми избија,
деведесет и три мирни души.

Клети Турци мамо, зулум прават,
во арменско, мамо, колат, бесат,
најнапред им беше Арни паша.

Жени плачат мамо, пиштат деца,
крв се лее, мамо, на сите страни,
крв се лее, мамо, на сите страни.

Многу мили мамо, Македонци,
изгинаа мамо, во арменско,
од клетите Турци, јаничари.

Се собраа, мамо, силни борци,
силни борци, мамо, арменчани,
со војвода, мамо, Кузо Блачев.

Славните водачи: Блачев, Влахов,
Чакаларов, мамо, и дедо Кочо,
со осум стотини храбри борци,
зафатија мамо, силна борба,
натераа Турци да одстапат,
дури долу мамо, до град Солун.