რუსთავი-2. ბალტიისპირეთის ქვეყნების საწვავი რუსულ ტანკერებს. 29. 10. 2025

baltia, ukraina, war

რუსთავი-2. კურიერი. 29. 10. 2025 (21:00)
წამყვანები: ნათია ლაზაშვილი, დავით კაკულია
სიუჟეტის ავტორი ანუკა ბუავა

დამატებით:
ბალტიისპირეთის ქვეყნების საწვავი რუსულ ტანკერებს - სანქციებისთვის გვერდის ავლაში ბალტიისპირეთის ქვეყნები თავად ლიეტუვის საზოგადოებრივი მაუწყებლის ჟურნალისტებმა ამხილეს
29. 10. 2025

სანქციებისთვის გვერდის ავლაში ბალტიისპირეთის ქვეყნები თავად ლიეტუვის საზოგადოებრივი მაუწყებლის ჟურნალისტებმა ამხილეს. რეპორტიორებმა დაადგინეს, რომ ლიეტუვური, ლატვიური და ესტონური კომპანიები რუსეთის "ჩრდილოვან ფლოტს", ყოველდღიურად, მილიარდობით დოლარის ღირებულების საწვავით ფარულად ამარაგებენ. ეს მაშინ, როდესაც ამავე სახელმწიფოების ლიდერები, "ქართული ოცნების" ხელისუფლებას რუსეთის დახმარებაში ადანაშაულებენ და აკრიტიკებენ სხვადასხვა მიზეზით, რაც, მმართველი ძალისთვის, ორმაგ სტანდარტზე მიუთითებს.
ვილნიუსს, რიგასა და ტალინს თბილისზე პოლიტიკური იერიში დიდი ხანია მიტანილი აქვთ, თუმცა არაფერს ამბობენ საკუთარ ტერიტორიაზე მოქმედ ფარულ ქსელზე, რომლითაც 3 სახელმწიფოში რეგისტრირებული კომპანიები კრემლის ეკონომიკას ფარულად, რუსული სამხედრო მანქანის გასაძლიერებლად ეხმარებიან. სამაგიეროდ, ბევრს საუბრობენ საქართველოზე, იმუქრებიან სანქციებით და უვიზო რეჟიმის შეჩერებითაც.
ბრალდებების პარალელურად, ბალტიის ზღვაში სხვადასხვა ქვეყნის დროშით თავისუფლად დაცურავდნენ რუსული ჩრდილოვანი ფლოტის ტანკერები და უფრო მეტიც, ფარულად იღებდნენ ნავთობს სწორედ ლიეტუვური, ლატვიური და ესტონური კომპანიებისგან. ჟურნალისტური გამოძიებით დგინდება, რომ ნავთობისა და ნავთობპროდუქტების გადატვირთვაში ჩართული კომპანიის, Fast Bunkering-ის, ტანკერებმა მხოლოდ 9 თვეში საწვავით 177 ხომალდი მოამარაგეს, თუმცა ეს ფაქტები და გამოძიება ბალტიელი პოლიტიკოსების პარტნიორი, ქართული ოპოზიციისთვის საკმარისი მაინც არ არის.
დეტალები ოპონენტებს დღეს სახელისუფლებო გუნდიდან შეახსენეს. "ქართულ ოცნებაში" ამბობენ, რომ, სანქციების დარღვევის გარდა, ბალტიისპირეთის ქვეყნებს რუსეთთან მჭიდრო სავაჭრო ურთიერთობებიც აქვთ. ამ ფაქტებზე დაყრდნობით, მმართველ პარტიაში აცხადებენ, რომ საქართველოზე ნებისმიერი თავდასხმა უსაფუძვლოა.
რუსული "ჩრდილოვანი ფლოტი", რომელსაც კრემლი ნავთობის ემბარგოსთვის გვერდის ასავლელად იყენებს, 2025 წლის დასაწყისისთვის 940 ხომალდისგან შედგებოდა, რაც მთელი მსოფლიოს ნავთობტანკერების დაახლოებით 17%-ს შეადგენს.
https://rustavi2.ge/ka/news/330065

დასაკრავი სია: პოლიტიკური მასალები სხვადასხვა მედიიდან