ანალიტიკა. გეგმა: როგორ შევაჩეროთ არაბული ქალაქების პროექტი. 10. 11. 2025

analitika, georgian, conservator

სტუდიაში კონსერვატიული მოძრაობის ლიდერები:
გიორგი ქარდავა, შოთა მარტინენკო, ირაკლი მარტინენკო

გადაცემის ფბ-ლინკი:
https://www.facebook.com/ConservativesGEO/videos/696699016818678/

დამატებით, კახი ხუციშვილის ტელეგრამიდან. 10. 11. 2025
რას არ გვეუბნებიან ოცნების ექსპერტები?

საქართველოში ბოლო დროს გააქტიურდნენ ვითომ „ექსპერტები“ და ურბანული დაგეგმარებისა და ეკონომიკის "დოქტორები", რომლებიც ერთხმად უჭერენ მხარს კომპანია Eagle Hills-ის მეგა-პროექტს. სხვა კულტურულ, რელიგიურ, დემოგრაფიულ საკითხებს რომ არ შევეხოთ. ერთი შეხედვით, ეს უბრალოდ დიდი ინვესტიცია იქნებოდა რომ არა კიდევ ერთი ფაქტი: ეს კომპანია არის არა უბრალოდ საეჭვო რეპუტაციის მატარებელი, არამედ პირდაპირ არის შემჩნეული თაღლითურ სქემებსა და კორუფციაში.
შევხედოთ ბელგრადის მაგალითს: როგორ იქცა 4 მილიარდიანი ინვესტიცია 300 მილიონიან ვალად
Eagle Hills-ის იდენტური პროექტი უკვე განხორციელდა სერბეთის დედაქალაქ ბელგრადში – „Belgrade Waterfront“ (ბელგრადის სანაპირო). სწორედ ეს პროექტი უნდა იყოს საქართველოსთვის უმნიშვნელოვანესი გამაფრთხილებელი ნიშანი.
სერბეთის ხელისუფლება ხალხს საზეიმოდ აუწყებდა, რომ პროექტით ქვეყანაში 4 მილიარდი დოლარის პირდაპირი უცხოური ინვესტიცია შემოვიდოდა. ამის შემდეგ დაიწყო „თეატრი“, რომელიც კორუფციული სქემების სახელმძღვანელოს ჰგავს:
ფარული გარიგება: Eagle Hills-ის მოთხოვნით, შეთანხმება გასაიდუმლოებული იქნა. საზოგადოებისთვის ინფორმაცია სრულიად მიუწვდომელი აღმოჩნდა.
ძალადობა და უკანონობა: არაბ ინვესტორთა თავხედობა იქამდე მივიდა, რომ სამშენებლო ტერიტორიაზე მცხოვრებ ხალხს ღამის საათებში ნიღბიანმა პირებმა შენობების დემონტაჟი მოუწყვეს, რაც ხელისუფლებამ მოგვიანებით გაამართლა.
ექსტერიტორიულობა: ყველაზე უარესი კი ის იყო, რომ პროექტის ტერიტორიამ არაფორმალურად უცხო ქვეყნის სამხედრო ბაზის ან აეროპორტის სტატუსი მიიღო. ამ ტერიტორიაზე მოქმედება შეუძლებელი გახდა სახელმწიფო უწყებებისთვისაც
კი.
პროექტის შეჩერება ვერ მოხერხდა, რადგან არაბულ და სერბულ მხარეებს შორის საბოლოო ხელმოწერის შემდეგ აღმოჩნდა, რომ დაპირებული 4 მილიარდი არსად არ ჩანდა და სერბულ მხარეს 300 მილიონიანი ვალდებულება ედო.
ფინანსური სქემა ასე გამოიყურებოდა:
დაპირებული 4 მილიარდი დოლარის ნაცვლად სერბებს არაბებმა დასტყუეს ბიუროკრატიული იმუნიტეტი და გაფართოებული უფლებები პროექტისთვის გათვალისწინებულ ტერიტორიაზე. რეალობაში
სერბეთმა მიიღო 300 მილიონი დოლარის სესხი და მხოლოდ 20 მილიონი დოლარის პირდაპირი ინვესტიცია. რათქმაუნდა აქ დიდ კორუფციასაც ქონდა ადგილი, მხოლოდ მეამიტობას ნუ მივაწერთ ამ ყველაფერს.
შედეგი: სერბეთს დაეკისრა 300 მილიონი დოლარის სესხი, არაბებს 99 წლით გადაეცა მიწა და პროექტიდან მოგების 68% ასევე Eagle Hills-ს დარჩა.
კითხვა საქართველოსთვის:
თუ კომპანია Eagle Hills-ის მიერ განხორციელებული „Belgrade Waterfront“ პროექტი იყო სრულფასოვანი თაღლითური სქემა, რომელიც სერბეთს მრავალმილიონიანი ვალები, მიწის გასხვისება და კორუფციული სკანდალები დაუტოვა, რატომ უნდა ვივარაუდოთ, რომ „Tbilisi Waterfront“ სიმართლე იქნება?
საქართველოს ხელისუფლებამ დაუყოვნებლივ უნდა უპასუხოს საზოგადოების მწვავე კითხვებს და წარმოადგინოს სრული გამჭვირვალობა ამ პროექტის შესახებ, რათა არ განმეორდეს სერბეთის მტკივნეული ფინანსური და სუვერენიტეტის შემლახველი შეცდომა.
პ.ს. ოცნების გამპრავებლები სანამ წყაროების მოთხოვნას დაიწყებთ, წყარო უამრავია თუმცა აქ ყველაზე ავტორიტეტულს დვურთავ ეს არის ჟურნალი ფორბსი:
https://www.forbes.com/sites/wadeshepard/2016/12/08/inside-abu-dhabis-bad-joke-the-belgrade-waterfront-project/?utm_source=perplexity

დასაკრავი სია: ანალიტიკა. 2025-დან