Hatursforvarnir ESB 2

(Uppfærð útgáfa með betra hljóði). Í þessum þætti Ísafoldar ræða þau Íris Erlingsdóttir og Gústaf Skúlason um ástandið á heimaslóðum Írisar, ofbeldið gegn lögreglumönnum Útlendingaeftirlits Bandaríkjanna og dómsmál um skilgreiningu orðsins kona og hvort karlmenn geta orðið ófrískir.

Þá er Trumphatrið til umræðu en ofstopi ESB hefur sýnt sig að undanförnu í skyndiáhuga fleiri landa en Danmerkur að láta sig varnir á Grænlandi skipta máli. Trump stendur keikur og sveiflar tollavopninu en ESB safnar liði gegn „árás" Bandaríkjanna á Grænland, þar sem þeir hafa herstöðvar og hafa byggt flugvelli, vegi og hafnir.

Blindir ókjörnir búrókratar sambandsins stara út í myrkrið og búa til sinn eigin heim í engum tengslum við raunveruleika almennings. ESB er endanlega komið inn á hráa braut einræðis með eigin undantekningarákvæðum frá mannréttindum og hatri sem í flestum tilvikum má jafna við að fylgja ekki pólitískum rétttrúnaði framkvæmdastjórnarinnar.

Að vera jarðaður lifandi - svo kallaður borgaralegur dauði, sem Frakkar afnámu fyrir tæpum tveimur öldum - hefur ESB endurnýjað í mun verri útfærslu. Kalla Kajsa er einráð og án dóms og laga getur hún jarðað hvern sem er lifandi með útskúfun frá svæði ESB og upptöku eigna.

Valkyrjurnar æfa sig á landsmönnum með hærri sköttum og árásum á undirstöðuatvinnuvegi þjóðarinnar, sjávarútveg og ferðamannaiðnað. Sjálfar eiga þær erfitt með að skila réttri skattaskýrslu og útrásarkúlulán utanríkisráðherrans er enn límt við hana frá fortíðinni.

Forsætisráðherrann hittir alþjóðlegan yfirmann sinn, Ursulu von der Leyen og undirbýr orðalagið á svikulli þjóðaratkvæðagreiðslu sem verður ESB-snaran um háls þjóðarinnar.